Popular Bible Verses from EPHESU 5

Share

Naonhaung" wa Mao"So: jhid'de; ra" zo: dau qe ngad ko" ruyang yao: we' dau sho' qam: ke' qo: ako". Khristu wa ngonhaung" re jhid'de; mung:- ngonhaung" qhid' mae" yao" kao so' re Mao"So ngaui: ra" sheim nae pyo" ra" ngaui" xeim: khyo" xeim: ngaui" byid' ru we' dakhyo:- naonhaung" kao so' daui: ra" khyo mae re:- jhid'de; myid: yang khyo shid' khang" ra" khyo" kao so' daui ge,.

Airumung: naonhaung" khoru: kao so' daui ko" ra" khyo re ku yang: lha" ge,- adu: adae: mung mo, re" ru: mangad:- Pha,jhi" bo: ra" mo, re" ru:- kao so' daui ge,. Ce: ayo, ba na jham wa makhyang" ra" ayo, ba na jham ngad: ruyang naonhaung" qo" ra" akho: akhang" khao: ngo" re akyu" bo: ra" khyo" ci ge,.

Yhid dashaug' yid ge,- Aiwa naonhaung" re byo; qeim: lo" nhao: li" nae". Ai: atha" Gyang" Lho" Byo we' byang" jo, ge,- caung:khin" dao:- nghaui" caung: dao:- caung:pa" ru we' sin" ra" nghaui" caung: dao jham we' naonhaung" yao: cao:- jho" jhau mung:- naonhaung" aung khug nhag' lam: mae Asang re jeju caung:khin" zo" re"nghaui"caung: dao: we' caung:khin" dao: khyo" nghaui" caung: khin" na ge,. Naonhaung" wa Yesu Khristu mang a re lao: yang:- ja: khao: ngo" qhid' mae" khonhae" re: Pho" Mao"So re jeju caung:khin" ge,.

Airumung: dago dapyan ge,- Asang naonhaung" re pe" ja: kad' nhao nug: rure qam: ke' yang: pha: qho ge,.

Yham sang pho" qe we"- Khristu wa ai: Phung: re jhid'de; mung: ai: Phung" qhid' mae" yao" kao so' re byid' pye' ru we' dakhyo:- naonhaung" yham sang myhi" qere jhid'de; ge,.

Naonhaung" yao: re: qhid' phyao: wa mug: cad' khug mae na: lo mo, ngad: ako". Ngadqere: ana" naonhaung" wa Asang: nho: byu qe boe" lo vako" ruyang mug: bo" khug mae ngad: avako". Airumung: mug: bo" khug mae" byu qe we' dakhyo:- naonhaung" re: kao so' daui ge,.

Naonhaung" wa Khristu re phug' myao: mo, ngad ko" ruyang- dayaug myid o: rure dayaug myid jho" cao" byid: ge,.

Yham sang myhi" qe we"- Asang eib khang" ru re kham: yu ko" ru we' dakhyo:- naonhaung" yham sang pho" qe: eib khang" rure kham: yu ge,.

Ngadqere: naonhaung" yaug khao: ngo" rere: qang yang: ta" ru ngad: ra". Yham sang pho" yaug khao: ngo" wa- yao" yham sang myhi" re yao: yao" gaung re we' dakhyo:- jhid'de; ca" ra". Amung: yham sang myhi" yaug khao: ngo" wa yao: yao" yham sang pho" re phug' myao: ca" ra".

Jham: Mugsug' mae ce: khyo mathao mae yauggai wa yao: pho" we' yao: myhi" re to: co' yang:- yao: yao" yham sang myhi" we' yezam" khug mung: yao: shid' zo: wa- dagaung dasho: za: boe" byaug: li" genae"- ga: ta" ra".

Mug: cad' khug mae na ko" ra" mo, kad' ko" ra" lo,mau" jham re macao" kad' lo:- ai: lo, mau" jham re mug: bo" shad' khyo phoe' qhu" byid: ge,.