1
2 KORINTHU 4:18
Lhaovo Common Language Bible
Pe"mung:ga"re ngonhaung" wa myo; yang the' myao: ra" ja: jham re nhag' nghae" na: ru mangad:- myo; yang mathe' myao: ra" ja: jham re nhag' nghae" na: ra". Myo; yang the' myao: ra" ja: jham wa dazab daso' qhid' mae" za: ngad: ra". Ngadqere: myo; yang mathe' myao: ra" ja: jham wa apyad ato qhid' mae" ngad: ra".
Compare
Explore 2 KORINTHU 4:18
2
2 KORINTHU 4:16-17
Cekhyo mathao mae- ngonhaung" wa khonhae" re: qam: mashan- Ngonhaung" gaung dau: wa- zo" mae" mae" byo; qeim: lo" na ngadqere:- ngonhaung" Byo wa daba we' daba qam: sag' bo: lo: na: ra". Ce:- ta" mathae: ru we' dazab daso' za: ngonhaung" kham zo" ra" qug: khai: wa- ai: qug: khai: tho' qi" qhang: ra" apyad ato: phungbao re je: laug sho' kham zo: nhao: li" nae".
Explore 2 KORINTHU 4:16-17
3
2 KORINTHU 4:8-9
Ngonhaung" wa dazab zab qug: khai" ru qhug' ngadqere: nhag' lam: magyug:- dalhang lhang aug' o: ngadqere:- khonhae" re: nhag' lam: mathao"- Gyevo myo: sho' na ngadqere:- ngonhaung" wa khonhae" re: ba nam mamyaung- gyai no sho' qhug' ngadqere:- byo; qeim sho' maqhug'
Explore 2 KORINTHU 4:8-9
4
2 KORINTHU 4:7
Ngadqere:- myhao: thao" ra" qam: so' wa- ngonhaung" mae" mangad:- Mao"So mae" ngad: rure qhu" byid: nae" qhid' mae" ce: Byo we' sin" ra" jo,nho" qo" ra" mo, ngonhaung" wa- zhogam: ug' jham we' dau: ra".
Explore 2 KORINTHU 4:7
5
2 KORINTHU 4:4
Ce: mug: myid: nho: so ngad: ra" makhyang" ra" Satan" yang yao: bam: nhag' lam: re mug: cad' mae zang" nghoe' to: byid: yang:- yao: bam malam" ko" ru ngad: ra". Satan wa- Mao"So: khyao we' te' za: dau: ra" Khristu phungbao khyo Ngaui Bau" Lau Dao: mae" bao: thug' li" mung:- yao: bam: dao mae zho: bao: jo; ra" bo" bao re yao: bam mamyao genae" qhid' mae" go: nghoe' to: byid' ra".
Explore 2 KORINTHU 4:4
6
2 KORINTHU 4:6
Mug: cad' khug mae" bo" bao zho: thug' li" nae"- ga: ta" ra" Mao"So wa Khristu nho: myo, khung: mae zho: bao: jo; ra" Mao"So: phungbao: laba lajhao re ba nae" ngonhaung" nhag' lam: khug mae bao nhao: ra" yaug yao: ngad: ra".
Explore 2 KORINTHU 4:6
Home
Bible
Plans
Videos