Popular Bible Verses from 1TIMOTHI 3

Share

Ngonhaung" lam: ra" caung:pa" thung" wa gyai no; thao" ru ngad: rure khag' dayaug re: maqo" ha: pye' ru wa o mae ta" ru we' dakhyo: ngad: ra". Yao: wa xao su byu: ve, vin yang: po" li" mung: Byo: yang jo: ra" yaug ngad: ga: qhu" byid: qhug' yaug ngad: ra". Mug: lagyo: jham: yang re: yao: re myao: avako". Yao" khyo re byumyu" cao jab: phaung mae kho" kyo: byid: mung:- Mug: myid jao: sho' mae" mo, yao: re lam" avako". Yao: wa mug:gaung khyo to' yu: ru qhug' ava".

Phung: au: jhaung kad' yaug wa qobo mabo: ra" yaug- yham sang myhi" dayaug za: qo" yaug- yhid mayid yaug- yao: yao" gaung re qo" khang" yaug- ave, de, yaug- bang" da" nug yaug- mho" shid' byid: ngau: bo yaug ngad ca" ra".

Yao: wa yham byu qere nyang" za: qo" eib khang" yaug ngad mung: yao" zo: dau qeyang phug' myao: taung" mho dao: gyo: byid' ra" yaug ngad qo: ra".

Phung: tau pho" wa yham sang myhi" dayaug za: qo" yaug ngad mung:- yao" zo: dau qere we' yao" yham byu qere nyang" za: qo" eib khang" yaug ngad qo: ra". Yao: bam yao" mau" zo" re nyang" za: aung doe, sho' vin vo; ra" phung: tau qe wa- nga: ye, mung: Khristu Yesu khug mae yao: bam: lam khug: ra" khyo re mazag mavae qo" ta" hau" ako".