Popular Bible Verses from 1TIMOTHI 1

Share

Khristu Yesu mug: myid dao khyo joe" li" ru wa qobo jab qere khyad' yu nae" qhid' mae" ngad:- ga" ra" dao: wa dangman" ra" dao: ngad mung: jab byang" sho' khae: yu mung: lam" nae" qhid' mae" ngad: ra". Ngo wa ai bam mae" je: xo: thao" yaug ngad:.

Ngadqere: thao phyao: Khristu re lam mung: apyad ato kao so' re qo" khae: yu genae" mo; qhid' mae" ve, so: khyo" Khristu Yesu wa yao" byang" sheim: jo; ra" nhag' lam: qhang qhang zang: kham: rure qobo jab qe alhab' mo, tho' mae je: xo: thao" yaug ngad: ra" ngore qhu" byid: nae" qhid' mae" Mao"So wa ngore nhag' khyag' shogu: ru byid' ra".

Ceru: amyin" byid' runho: au: qang khyo wa- gyang" lho" ra" aung khug nhag' lam: gyang" san: ra" aung khug nhag' lam: we'- yaung" san: ra" lam khug: myid mae" thug' li" ra" jhid'de; myid re pug: to" ke' nae" qhid' mae" ngad: ra".

Apyad ato: kho:kham shid maba: ru we' myo; yang magai: myao: ra" date: za: ngad: ra" Mao"So re apyad ato mae khonhae" re: phug' te' nga: yhe' byid' ru we' phungbao bo: jo, vashao wo"- Amen.

Tarha" jham wa byu gai qe: qhid' mae" khyo" to" ru mangad:- Tarha" shad' lhoe" ra" mo, we' tarha" re tau: lhan" ra" mo; qhid' mae" Mao"So mabo: ra" mo, we' qobo shad' lhoe" ra" mo; qhid' mae"- lam khug khyo re malam" ra" mo,- mangad: lao" Byo we' sin" ra" khyo macao" ra" mo; qhid' mae"- yao: bam: yao: pho" qe- mangad: lao"- yao: myhi" qere se' ra" mo; qhid' mae"- byu se' mo; qhid' mae" gaung sho: gintho' mau" zo" qho: ra" mo; qhid' mae"- yauggai yao: cao:- myiqe: yao: cao: gaung sho: jho" zam" ra" mo; qhid' mae"- byu khug' ra" mo; qhid' mae"- mhug' ra" mo, we' madang maman" ra" sagse: kham: ra" mo, mangad: lao"- gai: ra" mho" shid' khyo we' tug' shai" ra" mo; qhid' mae" Tarha" khyo" to" ru ngad: rure ngonhaung" ba: yu ca" ra".