Popular Bible Verses from Maciu 24

Share

Ia ni sa tubu vakalevu nai valavala ca, ena batabata mai na nodra loloma na lewe vuqa. Ia ko koya ena vosota me yacova nai vakataotioti, ena vakabulai ko koya.

Ia ena vunautaki mada e vuravura taucoko nai tukutuku-vinaka oqo kei na matanitu, mei vakadinadina ki na veivanua kecega; sa na qai yaco e muri nai vakataotioti.

Ia dou na rogoca nai valu kei nai rogorogo ni valu. Mo dou kakua ni kidroa, ni sa kilikili me yaco na ka oqo, ia ka sa bera ga nai vakataotioti.

Ni na veibolebolei na veivanua eso kei na veimatanitu eso, ka na yaco talega na dausiga kei na tavuki ni vanua e na yasana e vuqa. Ia na ka kecega oqo sa kenai vakatekivu ni ka rarawa.

Ena takali ko lomalagi kei vuravura, ia na noqu vosa ena sega ni takali.

Ni ra na lewe vuqa era na lako mai ka vakacavutaki au, ka kaya, ‘Oi au na Karisito;’ ia ka lewe vuqa era na vakacala.

“Dou na qai soli yani me vakararawataki, ka dou na vakamatei; ia dou na cati vei ira na lewe ni veivanua kecega e na vuku ni yacaqu. Ia ena lewe vuqa era na qai tarabe, a ra na veisoliyaki, ka veicati. Ena lewe vuqa talega na parofita vakailasu ena tubu cake mai, ia ka lewe vuqa era na vakacala.

A sa vosa ko Jisu, ka kaya vei ira, “Qarauni kemudou vinaka de vakacalai kemudou e dua.

O koya mo dou qai vakarau tu, koi kemudou talega, ni sa lako mai na Luve ni Tamata e na tiki-ni-siga dou sa sega ni nanuma kina.

O koya mo dou qai vakatawa; ni dou sa sega ni kila na tiki-ni-siga sa lako mai kina na nomudou Turaga.

“Ia na siga ko ya kei na tiki-ni-siga ko ya sa sega e dua e kila, ko ira na agilosi mai lomalagi era sega ni kila, se ko koya na Luvena, ko koya duaduaga na Tamaqu.

Ni na tubu mai na Karisito vakailasu eso, kei na parofita vakailasu eso, a ra na vakatakila na veivakatakilakila lelevu kei na veika e veivakurabuitaki; ia ke rawa, ke ra na vakacalai ira talega na digitaki.

Ia me vaka e na siga i Noa, ena vaka talega kina e na nona lako mai na Luve ni Tamata. Ni se bera na waluvu era sa kana na tamata, ka gunu, ka vakawati ka veimusumusukitaki me ra vakawati, ka yacova na siga sa vodo kina ki waqa ko Noa, a ra sa sega mada ni kila eliu me yacova ni sa qai yaco dina na waluvu, ka kauti ira kece yani; ena vaka talega kina na nona lako mai na Luve ni Tamata.