Popular Bible Verses from Luke 5

Share

Ia ni sa tinia na nona vosa ko koya, sa kaya vei Saimoni, “Sudra yani ki wai titobu, ka dou viritaka sobu na nomudou lawa me rawa mai eso.”

A sa vosa ko Saimoni, ka kaya vua, “Na Turaga, keitou sa ia tiko e na bogi ka sigavaka, ka keitou sa sega ni rawata e dua na ka; ia e na vuku ni nomuni vosa, ka’u na viritaka sobu na lawa.” Ia ni ratou sa kitaka vakakina, sa ka levu sara na ika eratou sa rawata; a sa bote kina na nodratou lawa.

Ia sa dau lako vakatikitiki tani ko koya ki na vanua lala, ka masu.

Au sa sega ni lako mai me’u kacivi ira na yalododonu, me ra veivutuni, ko ira ga nai valavala ca.”

Ia ni sa raica ko Saimoni Pita, sa cuva sobu ki na duru i Jisu, ka kaya, “Mo ni lako tani vei au, na Turaga, ni’u sa tamata ca.”

A sa vosa ko Jisu, ka kaya vei ira, “Sa sega ni yaga na vuniwai vei ira sa bula vinaka; vei ira ga era sa tauvi-mate.

Ia ni ratou sa kauta ruarua na waqa ki vanua, eratou sa biuta na ka kecega, ka muri koya.

Ia ni sa tiko e na dua na koro ko koya, raica, sa dua na tamata sa roboti koya na vukavuka. Ia ni sa raici Jisu, sa cuva vakatoboicu, ka masuta, ka kaya, “Kemuni na Turaga, kevaka ko ni sa vinakata, ia mo ni sa vakasavasavataki au.” A sa dodoka na ligana ko koya, ka tarai koya, ka kaya, “Au sa vinakata. Mo savasava mai.” A sa takali sara vua na vukavuka.

Ia na kenai rogorogo sa kuruvaki vakalevu sara kina; a ra sa lewe vuqa sara era sa soqoni vata mai me ra vakarogoca, me ra sa vakabulai talega mai na nodra malumalumu.