Popular Bible Verses from Luke 3

Share

Ia ni ra sa papitaisotaki tiko na tamata kece, sa papitaisotaki talega kina ko Jisu; ka ni sa masu tiko, sa wase rua ko lomalagi, ka sa lako sobu mai vua vakayago na Yalo Tabu, me vaka na ruve. A sa rogo e dua na domo mai lomalagi, sa vaka, “O iko na noqu Gone ni toko; au sa dauvinakati iko vakalevu.”

sa qai vosa ko Joni, ka kaya vei ira kecega, “E dina ka’u sa papitaisotaki kemudou e na wai, ia sa lako mai ko koya sa levu cake vei keirau, kei na wa ni nona i vava ka’u sa sega ni yaga me’u sereka. Ena papitaisotaki kemudou ko koya e na Yalo Tabu kei na bukawaqa.

O koya mo dou qai vuataka na vua e kilikili kei na veivutuni. Ka dou kakua ni kaya e na lomamudou, ‘A tama i keimami ko Eparaama’; ni’u sa kaya vei kemudou, Sa rawarawa vua na Kalou me vakatubura na veivatu oqo me ra luve i Eparaama.

Ia na matau sa no edaidai e na waka ni vunikau. Ena ta laivi kina na kau kecega sa sega ni vuataka na vua vinaka, ka biu ki na bukawaqa.”

me vaka sa volai e nai vola ni vosa i Aisea na parofita, ni sa kaya, “A domo ni dua sa kacikaci e na loma ni vanua lala: ‘Dou caramaka na sala i Jiova, cakava me dodonu na nona salatu. Ena vakaceceretaki na buca kecega, ka na vakalolovirataki na ulunivanua kei na vanua-cecere kecega, ka na vakadodonutaki na veika e veve, ka na vakalogalogavinakataki na sala sa sukusukura; ena raica talega na veivakabulai ni Kalou na tamata kecega.’ ”