Popular Bible Verses from लुका 6

Share

राःङ्साला तेर ओःले कोन्ज्योइयाङ ख्याक्याला तेर्केन एः। खुङगीइ नी तीःङ्दी तीःङ्दी च्युःरु जोदी पुःङपुङथुप तेर्केन एः। ख्याक्याइ राःङ्साक्याला काःजे ताःप्‍ती तेर्पा, ओःजेरा ताःप्‍ती ख्याक्याइयाङ ज्योर्केन एः।”

याःबु मीःइ राःङगीइ सेमला एःक्योक तामलाःम्‍ले याःबु तामरा तेङ्‍गुए। माःइबा मीःइ राःङगीइ सेमला एःक्योक माःइबा तामरा तेङ्‍गुए चीलेलाःना सेमला ची एःपा, ओःखोरा ताम मीःइ लाःकुए।

ओःन्डु मीःङे, टाःलाङक्याला च्याःम्बु पेःदो, खुङक्याइदी याःथाक पेःदो ओःले पेःलेन लाङेनक्याला फीर्च्या लेःङेन सेम माःबेबारा पेःलेन तेर। ओःन्डु पेःसी लाःना ख्याक्याइ छ्‍योम्बो इनाम ज्योर्केन एः ओःले ख्याक्या नाःम्खालीङगीइ कोन्ज्योइ पुःपोःमोक्या ओःङेन एः। चीलेलाःना कोन्ज्योइ नी टीःलेन मेःथोङेन्दी ओःले माःताक्पाक्यालाङ च्याःम्बु पेःउए।

आबा कोन्ज्योइ काःन्डुले नीङ च्योःदी एःपा, ख्योक्याइयाङ ओःन्डुलेरा नीङ च्योःगेन्दी पेःदो।

राङसाला माःताक्पा माःच्याङ ओःले कोन्ज्योइयाङ ख्याक्याला माःताक्पा मेःच्याङ एः। राःङ्साइदी गल्ती छोल्गेन्दी माःबे ओःले कोन्ज्योइयाङ ख्याक्याइदी गल्ती मेःछोल एः। राःङ्साला क्षमा तेर ओःले कोन्ज्योइयाङ ख्याक्याला क्षमा तेर्केन एः।

इःनाङ ङाःइ ताम कोःगेन्दी ख्याक्याला ङाः लाःके, टाःलाङला च्याःम्बु पेःदो ओःले राःङला हेला पेःगेन्दीला याःबु पेःदो। ख्याक्याला खाम्सी क्याःप्केनक्याला मोलाम तेर। ख्याक्याला सुइयाङ माःइबा पेःसी लाःना खुङगीइ याःबुइ लागी प्रार्थना पेःदो।

राःङ्साइ ख्याक्याला ची पेःतेर्क्योक सेम थेकुबा, ओःन्डुरा ख्याक्याइयाङ राःङ्साक्याला पेःदो।

सुइयाङ ख्याक्याला डाम्बा चीगला रोप्सी लाःना राःङ्सा डाम्बाङ सेःतेर। ख्याइ फोँस्योक खेर्चे छोल्गेन्दीला लबीताङ खेर्चे तेर। ख्याक्याला लाङेनक्याला तेर, ओःले खेर्केनक्या ङीमु फीर्च्या मालाङ।

याःबु तोःङ्बोला माःइबा ब्रुम्दो मेःकोःङए, ओःन्डुलेरा काःन्दीङ माःइबा तोःङ्बोला याःबु ब्रुम्दो मेःकोःङए।

काःखोङ तोःङ्बो ओःखोइ ब्रुम्दोलाःम्‍ले ङोःसेउए। चीलेलाःना छेर्माङगीइ पुःङलाःम्‍ले सुइयाङ नेभारा मीःतुए नाः ओः पुःङ्मालाःम्‍ले अङ्‍गुर तुःउबा।