Popular Bible Verses from युहन्‍ना 5

Share

ङाः ख्याक्याला तेःन्दामरा लाःके, काःखोक्याइ ङाःइ ताम कोःबा ओःले ङाःला ताङेन्दीला सेमल्हुक लुबा, खुङक्या ङीमु नाःमाङ मीसीगेन मीःली ओःङ्‍गुए। खुङक्याला माःताक्पा मेःच्याःङेन एः, इःनाङ खुङक्या सीक्योकलाःम्‍ले मीःलीला काःल्सीःङ्क्योक ओःङ्‍गुए।

येशुइ ओः मीःला ओःला ङ्‍याःल्दी तेःक्योक थोङ्सी। ओःले खो माःङ्बुरा लोःमीःजीक नेःपा काःल्योक छोर्ती येशुइ खुङला लाःसी, “ची ख्योला टाःगेन सेम एःपा?”

ख्याक्या छ्‍येइ पेज्या याःबुले टोःउए, चीलेलाःना ओःला नाःमाङ मीसीगेन मीःली ज्योर्कुए लाःती ख्याक्याइ ठीवा साल्गुए। ओःले ओःखोरा छ्‍येइ पेज्याइ ङाःइ बारेला पाङ्बु तेर्कुए। इःनाङ नाःमाङ मीसीगेन मीःली ज्योर्चेला ख्याक्या ङाःसाःला ओःङ्जे सेम मेःबेए।

ओःले येशुइ खुङला लाःसी, “लोःङ ओःले राःङगीइ तेन खुर्ती डो।” ओः तेःकासुरा ओः मीः टाःसी ओःले राःङगीइ तेन खुर्ती डोगाला स्युःसी। इःनाङ ओः ङीःमु यहुदीक्याइ थाङ सोगेन ङीःमा एःके।

ओः सोङ्‍गारा, येशुइ खुङक्याला लेःन लोदेरा लाःसी, “तेःन्दामरा ङाः ख्याक्याला लाःके, पुः राःङगीइ चीङ पेःजे मीःखुए, इःनाङ आबाइ ची पेःक्योक थोङ्बा ओःखो चीग्रा पेःउए, चीलेलाःना आबाइ ची पेःबा पुःयाङ ओःन्डुरा पेःउए।