Popular Bible Verses from युहन्‍ना 21

Share

खुङक्याइ साःसीःङ्मीजीक, येशुइ सीमोन पत्रुसला लाःसी, “युहन्‍नाइ पुः सीमोन, ची ख्याइ ङाःला दीखुङक्याइ भन्दा माःङ्बु च्याःम्बु पेःउबा?” पत्रुसकीइ खुङला लाःसी, “इःङे प्रभु, ङाः ख्याला च्याःम्बु पेःउए लाःती ख्याइ सेउए।” येशुइ खुङला लाःसी, “ङाःइ रीःउक्याला साःच्युदो।” खुङगीइ फीर्च्या थाङ्मा ङीइ पाली लाःसी, “युहन्‍नाइ पुः सीमोन, ची ख्योइ ङाःला च्याःम्बु पेःउबा?” पत्रुसकीइ खुङला लाःसी, “इःङे प्रभु, ङाः ख्याला च्याःम्बु पेःउए लाःती ख्याइ सेउए।” येशुइ खुङला लाःसी, “ङाःइ लुःकक्याला याःबु पेःदी तादो।” खुङगीइ पत्रुसला थाङ्मा सुमगीइ पाली लाःसी, “युहन्‍नाइ पुः सीमोन, ची ख्योइ ङाःला च्याःम्बु पेःउबा?” पत्रुस तुःङाःल काःल्सी चीलेलाःना येशुइ खुङला “ची ख्योइ ङाःला च्याःम्बु पेःउबा?” लाःती थाङ्मा सुम लाःसी। पत्रुसकीइ खुङला लाःसी, “प्रभु, ख्याइ थाम्जेर ताम सेउए। ङाः ख्याला च्याःम्बु पेःउए लाःती ख्याइ छोर्ती एः।” येशुइ खुङला लाःसी, “ङाःइ लुःकक्याला साःच्युदो।

तेःन्दामरा ङाः ख्योला लाःके, ख्यो स्यारा एःकासुना ख्यो राःङगीइ केःला राःङगीइरा केःङ्‍गुके, ओःले राःङला काःला सेम थेपा ओःलारा डोउके। इःनाङ ख्यो काःपु काःल्मीःजीक, ख्योइ राःङगीइ लाःक्पा स्याङेन एः, ओःले राःङ्सा मीःक्याइ ख्योला केःला केङ्तेर्केन एः, ओःले ख्योला सेम मेःथेकेन ठाउँला खुङक्याइ खेर्केन एः।”

येशुइ खुङक्याला लाःसी, “जाल तोःइ च्याःबुछ्‍योले क्योःप, ओःले ख्योक्याइ चीङ ङ्‍याःक्या ज्योर्केन एः।” ओःले खुङक्याइ जाल क्याःप्सी, ओःले माःङ्बुरा ङ्‍याःक्या पर्तीक्योक सोङ्‍गारा खुङक्याइ जाल टीःचे माःखु।

सीमोन पत्रुसकीइ खुङक्याला लाःसी, “ङाः ङ्‍याः सेकाला डोदेरा एः।” खुङक्याइ पत्रुसला लाःसी, “ङीःङ ख्या ङीमु डोगे।” खुङक्या काःल्दी टुःला जासी, इःनाङ ओः कुःङ्मु खुङक्याइ ङ्‍याः चीगकाङ जुम्जे माःखु।