Popular Bible Verses from प्रेरीत 1

Share

इःनाङ चाङ्मा ला ख्योक्याखाला ओःङ्मीःजीक ख्योक्याइ ल्हे ज्योर्केन एः, ओःले ख्योक्या यरुशलेमला, थाम्जेर यहुदीयाला, सामारीयाला ओःले जाम्बुलीङगीइ गुगुक्याला ङाःइ पाङ्बुक्या ओःङेन एः।”

येशुइ खुङक्याला लाःसी, “दीखोइ तीःनाम नी आबा कोन्ज्योइ चीग्रा तोक्‍तीदी एः ओःले ओःखो ताम ख्योक्याइ सेमेःकोःए।

खेप चीग, येशु खुङक्या ङीमु रुःप काःल्दी साःप्च्या साःजेला तेःकासुना एःन्डुबा आज्ञा तेर्सी, “ख्योक्या यरुशलेमले काःलाङ माःकाल, इःनाङ ङाःइ आबाइ ताःम्ज्या पेःक्योक चाङ्मा लाला कुःदी तेः। दीखोइ बारेला ङाःइ ख्योक्याला तोःङ्लाङ लाःती एःके। युहन्‍नाइदी छ्‍युइ बप्‍तीस्मा तेर्कुके, इःनाङ चीङ ङीःमा तीङ्ला ख्योक्याइ चाङ्मा लालाःम्‍ले बप्‍तीस्मा ज्योर्केन एः।”

खुङ सीक्योक ङीःमा खाल ङीथुप खुङ ची ची पेःदेरा काःजे खेप खुङक्यासाःला थोङ्सी ओःले माःङ्बुरा दास्यीक्या तेर्ती राःङला सोम्बो एः लाःती तेङ्सी। खुङक्याइ येशुला थोङ्सी ओःले खुङगीइ खुङक्या ङीमु कोन्ज्योइ क्याःल्खापकीइ बारेला ताम लाःसी।

खुङगीइ दी ताम लाःमीःजीक, खुङक्याइ तासुना तासुनारा खुङला याःरला मुक्पाला क्यासी ओःले खुङक्याइ खुङला माःथोङ।

खुङक्याइ नाम्सार्गाला तदीरा तेःकासुना एक्‍कासी मेःन्दा ङी कार्मु केःला केःङ्क्योक मीःक्या खुङक्याइ सुःरला लाःङ्सी। ओः मेःन्दा ङी मीःक्याइ लाःसी, “ए गालीलगीइ मीःक्या, ख्योक्या चीले दीला लाःङ्दी नाम्सार्गछ्‍योले तादेरा एःपा? येशुला नी नाःम्खालीङला खेर्ती एः। इःनाङ ख्याक्याइ खुङला काःन्डुले काःल्क्योक थोङ्बा, ओःन्डुरा पेःदी खुङ ङीःमा चीग जाम्बुलीङला फीर्च्या ओःङेन एः।”