Popular Bible Verses from लूका 3

Share

सोब मेह्‍णु पाणि अन्तर चुसुण केआं पता यीशु बि चुसा। तोउं से दुआ करुं लगो थिआ दे तपल अम्बर खुल गा, होर शुची आत्मा अलणी वेश अन्तर तस पुठ आई। त ई वाणि स्वर्ग केआं भुई “तु में ट्यारा कुआ भो। अउं तोउ जुए खुश असा।” त यूहन्ने होरी बि शिक्षा दी दी कइ मेह्‍णु खुश खबर शुणान्ता रेहा। पर जपल तेन गलील राज्ये राज्यपाल हेरोदेस त तसे भाई फिलिप्पुसे जुएली हेरोदियास बुच नाजायज रिश्ता बारे बोताउ, त हेरोदेसे यूहन्ना जेहेल अन्तर छइ छड़ा।

त यूहन्ने तेन्हि सोबी जे बोलु, “अउं त सद पाणि अन्तर चुसुण लगो असा, पर जे एण बाड़ा असा से मोउं केआं बि ताकतवर असा। अउं त इस लेएक बि नेईं कि अउं तसे प्युल टाइ सकुं। से तुसी शुची आत्मा त आग अन्तर चुसता।

किस ना तुस ईं कम करे जेसे बेलि पता लगाल कि तुसी सच्चे बि अपु मन बदलो असे। होर ईं सोच कइ धोखा ना खाए कि ‘हें बोउ अब्राहम भो; त असी मन बदलुणे कोई जरूरत नेईं।’ किस कि अउं तुसी जे बोता कि परमेश्वर अब्राहम जे घोड़ी अन्तरा बि गभुर किढ़ बटता।

हेरे! अभेईं बि झेउठ बुटे जील रख छो असा ताकि जे बि बुटा खरा फल न देन्ता तेस काट कइ आग अन्तर छइ छते।”

यशायाह भविष्य वक्ते अपु कताब अन्तर यूहन्ना बारे ईं लिख कइ बताओ असु: “अरुणि धार अन्तर कोई हक देण लगो असा कि ‘प्रभु जे बथ बणाण दिए त तसे बथ सुसुर कइ बणाए। हर यक रैहि भरी घेन्ति त हर फाट उन्न करी घेण असु, त जे केना असा, से सुसुर त जे उन्न खड़ी असा, से खुली बथ बणती। त सम्हाई जेईं परमेश्वर मेह्‍णु बचान्ते हेरते।’”