Popular Bible Verses from लूका 22

Share

“बोउआ! अगर तें इच्छा असी त छने इस कटोरा मोउं केआं दूर कइ छड़। तोउं बि में ना बल्कि तें इच्छा पूरी भुओ लौती।”

पर मेईं तोउ जे प्रार्थना की कि तें विश्वास कमजोर ना लौता भुओ। होर जिखेईं तु अपु मन बदलाई कइ मोउं जे वापिस एईयाल त अपु साथी के सुआ कमजोर विश्वास ताकतवर करुं।”

तोउं तेन रौठि टाती त परमेश्वर धन्यवाद कइ कइ तसे टुकुड़ किए। होर तेन्के धे ई बोते बोते दिते कि “ए में जिसम भो, जे तुसी लिए भकत चढ़ो असा : में याद अन्तर इहांणि कते रिहे।”

इहांणि तेन रौठि खाण केआं पता होरा कटोरा बि ईं बोते बोते दिता कि “ए कटोरा बि में तेस लहुए ईं असा, जे में बेलि तुसी जे बहिन्तु। ए परमेश्वरे नोई जुबान असी, जेसे बेलि सम्हाई विश्वासी परमेश्वरे जुए रिश्ता जोड़ते।

पर से अपफ पुठ एणे बाड़े कष्टे बारे सोच कइ तसे गण बाहर निसुण लगो थिआ। तोउं त से हउ बि जोरी जोई प्रार्थना करण लगा, त तसे धुप निचणण लगी त लहुए तोफु बण कइ भीं झड़ण लगे।

पर तुस तेन्केरी ईं ना बणे, बल्कि जे तुसी बुच बोडा बणुण चहन्ता, से मठड़ी त जे खास बणुण चहन्ता, से तुं सोबी के सेवा करे।

तेन बोलु, “पतरसा, अउं तोउं जे बोता कि जोउं तकर तुं टाई फेरि मोउं पिछाणण केईआं ना मुकरियाल, तोउं तकर आज कुकड़े बांग ना देन्ता।”