Popular Bible Verses from लुका 8

Share

टर काम्‍नुऎ बाखाबि सिॽमिम्‍पा चारिक् चाइ आक्‍खाचि रेम, खोचिऎ खानावाँ खेम्‍कुचि हाङ् काम्‍नुःर उम्‍चि निवाँबि युङुकुचि हाङ् लोमिम्‍पा रक्‍न लॆसे डुखाबि सिःॽमि हाङ्‌सङ्‌क टःक्‍म उम्‍चा सिकुचि।”

चिचिङ्‌पि सिक्‍खुबा चारिक् चाइ आक्‍खाचि रेम, खोचिऎ खानावाँ खेम्‍कुचि टर डॆङ्‌पि बाखाटेम्‍पिहा चासुम् नुङ् होइढा डिरिक् काम्‍नुहा काम्‍नुहा खानावाँ हाङ् हिङ्‌खामामि निवाँऎ उम्‍चि निवाँयुङ् पुमा पिट्‌टुचिनि हाङ् आक्‍खाचिऎ माङ्‌स उम्‍चा सिसुचिनि।

लुङ्‌कॽवा नुङ्‌मा बाखाबि सिॽमिम्‍पा चारिक् चाइ आक्‍खाचि रेम, खोचिऎ खानावाँ खेमुकुचि हाङ् टाक्‍सॆ लःमि लागि चेन्‍चासे निवाँयुङ् लॆकुचि। टर खानावाँ काम्‍नुःर निवाँबि मॆन्‍युङ्‌मिम्‍पासॆ निवाँ ठाःक्‍मार लॆॽल्‍हाङ्‌कुचि।

खोसॆ आक्‍खाचि सिमुचि, “आन्‍नामि निवाँयुङ् हाम्‍पि खाइटॆ?” आक्‍खाचि किसिआमि, हाङ् आक्‍खॆसे टाङ्‌पाटाङ्‌पाबि गर कासामि, “इग आसार? हिॽयापा नुङ् योवा सङ्‌क यामिकु हाङ् आक्‍कसॆ खोम् खानावाँ खेम्‍कु।”

लाम्‍फु कॆक्‍पि हेड्‌ढॆम्‍पा चारिक् आक्‍खाचि रेम, खोचिऎ खानावाँ खेम्‍कुचि टर निवाँयुङ् ऎलॆटुचिर हाङ् ऎहिङ्‌चामिर कामानुङ् साइटान टाः हाङ् निवाँहाङ्‌मि खानावाँ उम्‍चि निवाँबाङ् लाफॆकु।

गरहाङ्‌न माङ्‌माङ् चुम्‍से युङ्‌डार चोब्‍न लाबक्‍हाछ, हाङ् माङ्‌माङ् डॆःक्‍ढार चोब्‍न यक्‍टहाछ हाङ् चोब्‍नऎ वाबुकुचि।

ह आक्‍क मेॽनुङ्‌माऎ कुम्‍हिङानि कामानुङ् वाबु हाङ् किसिमाऎ यङ्‌से येसुमि लाङ्‌पि स्‍यामिटु हाङ् मान्‍ठा कॆ आना डिन्‍चाआनॆ हाङ् माङ्‌टहाङ् नुबक्‍किङॆ कामानुङ् चोब्‍न याॽमिचिम् लुम्‍पि इसु। येसुऎ आक्‍क मेॽनुङ्‌मा लोसु। “चाचो, आनाम् निवाँयुङ्‌ऎ आना नुबक्‍मिडा, नुःर खारॆ।”

हाङ् खोचिऎ येसु गर कासॆ हुम्‍पकुचि, “चिन्‍खुबो, चिन्‍खुबो काङ्‌का रुम्‍सिखॆॽमा ठाबाकिङ्‌का।” खो हुम्‍पका हाङ् म ढ्‌या योवा नुङ् हिॽयापा वोसु हाङ् आक्‍रलॽन आक्‍क हिॽयापा लुमा नुखारा हाङ् चोब्‍न काम्‍नुऎ लिखारा।