Popular Bible Verses from युहान्‍ना 11

Share

हाङ् येसुऎ लोसु, “सिखॆम्‍पाचि हिङ्‌पक्‍खुबा हाङ् हिङ्‌खामा पिक्‍खुबा काङान। काबि निवाँयुङ् लॆखुबा चाइ सिखॆ हाङ्‌स आक्‍क हिङ्‌प। हाङ् आसा चाइ काबि हिङ्‌चा हाङ् काङा निवाँयुङ् लॆङा, आक्‍क हानाम्‍स सिखॆॽनि। माल् आनॆ ग खानावाँ निवाँयुङ् लॆकुनॆ?”

हाङ् येसुऎ लोसु, “माल् कॆ आनॆ निवाँयुङ् लॆटुना हाङ्‌ग निवाँहाङ्‌मि निङ्‌लावा खाङ्‌टकुना कामानुङ् लोमिम्‍पा लॆटाना हॆॽनॆ?”

हाङ् येसु स हाःबा।

टर येसुऎ आक्‍क खानावाँ खेमुहाङ् लोसु, “ग टुक्‍मावा चाइ सिखॆॽमॆ खालॆ हॆॽनॆ, टर निवाँहाङ्‌मि निङ्‌लावा लिर कामानुङ्ऎ यो, मसॆ निवाँहाङ्‌मि पासामि निङ्‌लावा लिर।”

येसु आक्‍र कासिटाहाङ् खोसॆ ढ्‌या साम्‍लाबि लोसु, “ओ लाजारास, बाहिरा आम्‍पकॆ!” हाङ् आक्‍क सिखॆम्‍पा लाजारास चेऎ नॆःॽमिम्‍पा हुक् लाङ् हाङ् चेऎ मोम्‍मिम्‍पा ङाचिक् नुङ्‌न पःक्‍टाआ। हाङ् येसुऎ आक्‍खाचि लोसुचि, “आक्‍कमि चे हेल्‍लाङ् पिट्‌टाम्‍नॆ हाङ् खॆॽमिटाम्‍नॆ।”

हाङ् होइखेपा सङ्‌क येसु ऎट्‌टान चाइखॆटु हाङ् येःॽमाबि खारा। आक्‍क येःॽमा एक्‍क ढाणाबि चुआ हाङ् आक्‍कमि या चाइ एक्‍क लुङ्‌कॽवाऎ डॆक्‍मिम्‍पा लॆटा।

आक्‍क डॆङ्‌पि येसुऎ आक्‍खाचि लोसुचि, “कानिम् लाङ्‌काम् लाजारास इम्‍टिखॆडा। मसॆ काङा खो हुम्‍पक्‍सि आक्‍कुबि खॆङा।”