Popular Bible Verses from लूका 6

Share

किनैई कीं देवोगा तो थानै ई बिंऊं भोत जादा मिलसी क्यूंकै झिकै नाप ऊं थे दियो बिं नाप ऊं ई थानै मिलसी।”

इंयाई भलो आदमी आपगी भली बातां ऊं अर बुरो आदमी आपगी बुरी बातां ऊं पिछाणिजै। क्यूंकै झिकी बातां बिंगै मन में है बे ई मूं पर आवै।

थे आपगै दुसमणा ऊं प्रेम राखो बांगी भलाई करो, कोई चीज पाछी ना लेण गी आस राखगे ऊधारी देवो। इंया करणो परमेसर गी नजर में बिंगी उळाद ठेरोगा अर थानै बिंगो मोटो फळ मिलसी, क्यूंकै बो आच्छा-माड़ा सारां पर दया करण आळो है।

जिंया थारो पिता परमेसर दया करै बिंयाई थे सारां पर दया करो।”

“जे थे कीं पर दोस ना लगाओगा तो थारै पर बी कोनी लगाइजै गो, अर ना'ई दूसरै गो बिरोध करो क्यूंकै थारो ई कोनी करीजैगो। दूसरा नै माफ करोगा तो थानै ई माफी मिलसी।

“पण मैं थानै केऊं कै थे थारै दुसमणा ऊं बी प्रेम राखो झिका थारूं बेर राखै, बांगो भलो करो। झिका थारो बुरो सोचै है बानै आसिस देवो अर झिका थारी बुराई करै बां खातर पराथना करो।

मेरै केण गो मतलब है जिंया थे चावो कै थारै सागै बरताव करै बिंयाई थे बी दूसरा गै सागै बरताव करो।

झिका थारै एक गाल पर थपड़ मार देवै तो बिं कानी दूसरो गाल बी कर दैयो, झिको थारो खेसलो खोसल्यै तो बिनै कुड़तो बी राजी होगे दे देवो। झिका थारूं कोई चीज मांगै तो बानै देवो अर झिका थारूं चीज खोस लेवै तो बिनै पाछी ना लेवो।

हिस्यो कोई आच्छो दरखत कोनी झिकै गै माड़ो फळ लागै अर ना'ई हिस्यो कोई माड़ो दरखत है झिकै गै आच्छो फळ लागै।

आच्छो दरखत आपगै आच्छै फळा ऊं पिछाणिजै क्यूंकै लोग झाड़कां गै कदी अंगुरिया अर बडिया फळ कोनी तोडै़।