Popular Bible Verses from लूका 3

Share

जद यूहना चौथाई देस गै राजा हेरोदेस नै बिंगै भाई फिलिप्पुस गी घराळी हेरोदिआस ऊं ब्या करण खातर अर बिंगै माड़ा कामां गै खातर रोळा करया। जद हेरोदेस यूहना नै जेळ गै मा करवागे अर एक भोत बुरो काम करयो।

तो यूहना बां सगळा नै केयो, “मैं तो थानै पाणी ऊं बतिस्मो देऊं, पण झिको आण आळो है बो मेरूं सकतीसाली है मैं बिंगै इतो लाइक कोनी कै बिंगै बुंटा गो फितो खोल सकूं। बो थानै पवितर आत्मा अर आग ऊं बतिस्मो देसी।

थे आपगो मन बदळगे दरखतां गी तरियां आच्छा फळ ल्याओ अर बानै झिड़क्या कै थे आपगै मन में घमण्ड ना करो, सागै थे इंया ना सोचो कै अबरहाम झिको धरमी आदमी हो बिंगै घराणै गै होण गै खातर म्हे बच जांवांगा, क्यूंकै मैं थानै साची केऊं कै परमेसर थानै नास कर'गे अबरहाम गै खातर तो आं पथरां ऊं बी उळाद पैदा कर सकै पण परमेसर गै न्याय ऊं कोई बच कोनी सकै।

अब कुहाड़ो दरखतां गी जड़ां पर रखेड़ो है। ईंखातर झिका-झिका दरखत आच्छा फळ ना ल्यासी बानै बाडगे आग में बाळ देसी।”

जिंया यसयाह परमेसर गी बात बताण आळै गै बचनां गी किताब में यूहना गै बारै में आ परमेसर गी बात लिखेड़ी है: “बन उजाड़ में एक जणो हेलो मारै कै प्रभु गो रा तैयार करो अर बिंगी सड़कां सीदी बणाओ। जिंया एक बड़ै आदमी गै आवण पर रास्तै नै तैयार कर'गे सड़कां सीदी करै अर ऊंची जिग्यां नै निची करै अर निची जिग्यां नै भर देवै अर टेडै मेडै रास्तै नै सीधो करै अर उबड़ खाबड़ नै एकसो करै इंयाई प्रभु गै आवण खातर लोगां गै मना नै तैयार करो। सगळा लोग परमेसर गै मुकतीदाता गा दरसण करसी।”