Popular Bible Verses from लूका 10

Share

देखो, मैं थानै सांप अर बिछूआं यानी सैतान नै बस में करण गो अर बिरोदियां गी सारी ताकत नै बस में करण गो अधिकार थानै दियो है। कोई बी चीज ऊं थारो नुकसान कोनी होवै।

यीसू बिनै उतर दियो, “मारथा, हे मारथा, तूं भोत काम अर बातां गी चिंता करै अर घबरावै है। पण एक काम गी बात जरूरी ही, झिकी नै मरियम चुणली आ इंऊं खोसीजै कोनी।”

बण केयो, “तूं आपगै प्रभु परमेसर ऊं आपगै पूरै दिल अर पूरै प्राण अर पूरी ताकत अर पूरै मन ऊं प्रेम कर। अर आपगै पड़ोसी ऊं बी इंयाई प्रेम कर जिंया तूं अपणै आप ऊं प्रेम करै है।”

यीसू बानै केयो, “खेत पाकेड़ा तो घणाई है पण मजदूर थोड़ा है। ईंखातर खेत गै धणि नै जा'गे बिनती करो कै फसल बाडण खातर मजदूर घालै।”

यीसू बिनै पूछयो, ‘तेरी समझ ऊं बता कै बां तीनां में अधमरयै आदमी गो पड़ोसी कुण हो?’” बण केयो, “बो ई है झिकै बिं पर तरस करयो।” जद यीसू बिनै केयो, “जा तूं बी दूसरा गै सागै इंयाई कर।”

अर देखो, मैं थानै भेड़ां गी तरियां, भेड़िया गै बरगा थारो बिरोध करण आळा लोगां गै बिचाळै भेजूं हूं।