Popular Bible Verses from यूहना 10

Share

चोर एकलो चोरी करण कोनी पण मारणै अर खत्म करण खातर ई आवै है पण मैं जीवन देण खातर आयो हूं। मैं झिको जीवन देऊं हूं बो भरपूर अर आच्छो है।

आच्छो गुआळियो मैं हूं। आच्छो गुआळियो आपगी भेड़ा नै बचाण खातर आपगी जान बी दे देवै है।

मेरी भेड़ा मेरी आवाज पिछाणै है अर बानै मैं पिछाणु हूं अर बे मेरै लारै चालै है।

मैं बानै अनन्त जीवन देऊं हूं। परमेसर बांगै पापां गी सजा कोनी देवैगो। मेरै रेवड़ मू बानै कोई ओर ले कोनी सकैगो।

मैं बारनो हूं। जे कोई मेरै द्वारा अन्दर जावैगो तो बो मुकती पावैगो अर बो अन्दर आ सकैगो अर बारै बी जा सकैगो। अर झिकी बिनै जरूरत है बा बिनै मिलैगी।

पण भेड़ा गी आच्छी देखभाल करण आळो गुआळियो मैं ईं हूं। जिंया मेरो पिता मनै जाणै बिंया मैं बी आपगी भेड़ा नै जाणू हूं अर मेरी भेड़ा नै बचाण खातर में आपगी जान बी दे देऊं हूं।

मेरै पिता झिकी भेड़ा मनै दी है बो सारा ऊं मोटो है। अर मेरै पिता कनूं बानै कोई खोस कोनी सकै। मेरो पिता अर मैं एक ई हां।”

पण भेड़ा गी आच्छी देखभाल करण आळो गुआळियो मैं ईं हूं। जिंया मेरो पिता मनै जाणै बिंया मैं बी आपगी भेड़ा नै जाणू हूं अर मेरी भेड़ा नै बचाण खातर में आपगी जान बी दे देऊं हूं।

मेरी जान कोई लेवै कोनी पण मैं अपणै आप इनै आपगी इच्छा ऊं बिनै देऊं हूं। मेरै कनै इनै देण गो अधिकार है अर पाछी लेण गो बी अधिकार है। ओ आदेस मेरै पिता परमेसर दियो है।”

ईंखातर यीसू बानै फेर केयो, “मैं थानै साची साची केऊं भेड़ा गो बारनो मैं हूं।

झिको गुआळियो पीसा लेगे भेड़ा गी रुखाळी करै है बो ना तो गुआळियो है अर ना बांगो मालिक है। बे जंगळी भेड़िय नै आवंता देखगे, भेड़ा नै छोड़गे भाज जावै है अर जंगळी भेड़ियै बानै पकड़गे अर इनै बिनै कर देवै है।

फेर यीसू केयो, “मैं साची साची केऊं जे कोई भेड़ा गै बाडै़ में जाणो होवै तो बारनै गै माखर जाणो चईयै पण जे कोई ओर रा ऊं चढ गे जावै है तो बो चोर अर डाकू है।