Popular Bible Verses from Luku 17

Share

Laso Iesua muvikalanu itema ne lexe, “Natulu mo nalai. Nini nelopala, laso maixene laixeneni 'o.”

Mo loxo ususunixine alaxu 7 no aso vile xe une'e ulu'enu noxine no anu susu noxou alaxu 7 la utotomu oponeni ulu'e noxousi.”

Xe vile no taine'i mumalei lexe vasimolu a laixenui laso mulivu noxou mo mu'ava'ava so mu'itinu Mosinge ualasou. Anu mulivu xe muxali la mulalusi no tava'u Iesua so muvikala laixe noxou. Itema ne anu so Samalia.

Ngalaxa'i laixe. Loxo vivine ususu la navikala pakia'u so nalovonixu ilixo noxou. Xe loxo uxiunu oponu mo u'isalilinoxu la oponeni ulu'e so susu noxou.

Xe Iesua muvikalanu lexe, “Ai, tamitema 10 mixali malemalenga, ne? Ia ane'i 9 avae?

La Tatananenge mukoline'i aloxo 'o, “Loxo lopala manina uxolu noxinge ia isusu'a se a loxo masiteti ngiaxu la mi vile uasi. Axone la umomomo so ngavika­lanu ovu 'o lexe uluvu mo ulai utulu no luaki, la anu ulomusi ane.”

Xo aloxo 'o. Loxo itema vile u'apisou maulixu lexe noxou­mo, la maulixu usu'a vitanisi ane. Ia loxo upilixinu maulixu lexe noxou la uasi, la anu upapunu uasi ane, maulixu uxolu laixesi.

La Iesua muvikalane'i tatisai­peliou lexe, “Anu manina so mimi uxali so ngatulatulaki no anu. Ia masua noxou itema aneva uxalixu tulaki mo upalusi'a tamenexu no anu susu axone. Xo loxo tamitema isakinu lavo'o toxoxu ulili no limilaxu ka isu'anu no luaki xe uuo'uo la anu loxo mi vitanisi ane. Ia loxo Mosinge ukolinu susu noxou ne la tu'umaxu e tu'umaxu manina.

Xo ili'ixone'i tamitema mi'o­xonu no voxo loxo Noa muxolu la anu iou vilesisi no anu voxo so Itema ane molu noxou Mosinge a uxoxolu 'o. Xo ane'i tatei ne mixolu mi'ani'ani mo miie mo mitataula'i xo mo mumomomo no anu voxo loxo Noa mu'unalai no lasipi. Sixe anipa toxoxu muxali sika mumamulone'i tamitema ne mikalu avile.