Popular Bible Verses from मत्ती 22

Share

ओहले येशूगी सुङ नाङसीन, “ख्‍येगी चो़वो छ्येवा राहङगी किन्‍ज्‍योला राहङगी निङ थाक्‍पालेगी, ऊ थाम्‍ज्‍यीगी, ओहले रिहक्‍स्‍यी थाम्‍ज्‍यीगी चेवा डुप्‍तोङ। थाम्‍ज्‍यी म़ेदी छ्येस्‍यो दाङ छ्यिम्‍बु का दिराङ यिहम्‍बा। ओहले ओ़ह म़ेदी चो़ला का छ्यिम्‍बु च्‍यी़ येहबा, ‘ख्‍येगी राहङ खिम्‍जीला राहङला ल़ेहमुराङ चेवा पेहतोङ।’

मोशागी थाम्‍ज्‍यी छ्य़े-ठिम दाङ लुहङतेम्‍बाया़गी लोप्‍च्‍युङया़गी ब्राम दि का ङ्यी़ॱराङ यिहन।”

ज्‍युक्‍स्‍योलला येशूगी सुङ नाङसीन, “क़े क्‍याहप्‍क्‍योया़नी माहङबुराङ येह, यिहॱनाङ दाम्‍ग्‍योया़दी ङ्युहङसे़ च्‍यी़राङ येह।”

स्‍यिक्‍यो मिहया़ सोम्‍बो लो़ह फान्‍ज्‍योनी खुङया़गी पा़हमा पेहकें दाङ पा़हमा पेह तेर्केन केच्‍याराङ मेहयोहङगे। खुङया़नी स्‍यिहङगामला तेहकेन्‍गी स्‍यिहङगामकी स्‍याहप्‍च्‍यीया़ ल़ेहमुराङ ओहङगे।

केरे ठाल च्‍याल्‍गेन्‍गी ङुल-टाङ तेन्‍दोङ ले।” खुङगी येशूला टाङगा ख्‍योङदी तेन्‍सीन। येशूगी खुङया़ला, “देला सुगी छेन दाङ पार दुबा?” म़ेदी टी़ह नाङसीन। खुङगी येशूला मासीन, “कैसरदी” ओहले येशूगी खुङया़ला सुङ नाङसीन, “ओ़हठी यिहन्‍सीमाना कैसरती कैसरलाॱराङ तेर्तोङ ओहले किन्‍ज्‍योदी किन्‍ज्‍योलाॱराङ फुल्‍दोङ।”