Popular Bible Verses from यूहन्‍ना 17

Share

खुङया़ला तेहन्‍दामला नाम्‍पार-ताहक्‍पा ज़ो नाङदोङ, राहङगी सुङदेन तेहन्‍दाम यिहन।

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

ङाह खुङया़की तेहन्‍दाला च्‍यी़राङ सोल्‍वाङ मेहताप, यिहॱनाङ खुङया़गी लेहङगुगी पेहती ङाहला यिह छ्य़ेगे मिहया़गी तेहन्‍दालाॱआङ सोल्‍वाङ ताप्‍को येह। खुङ थाम्‍ज्‍यी च्‍यी़राङ डो ख़ूज्‍यु म़ेदी ङ्यिह राहङला ओहर-छ्य़े स्‍युहएँ। ओ़ याहप, ङाह राहङ ङ्याम्‍बु ओहले राहङ ङाह ङ्याम्‍बु ज़्‍य़ूदी ओहराङ च्‍यी़राङ काहल्‍ग्‍यो ल़ेहमु खुङॱआङ ओहराङ ङ्याम्‍बु डी़दी च्‍यी़राङ ओहङ ख़ूज्‍यु ओहले राहङगीराङ ङाहला ताङ नाङग्‍यो यिहन म़ेदी जाम्‍बुलीङगी यिह-छ्य़े ख़ूज्‍यु।

राहङगी खुङया़ला दि जाम्‍बुलीङले नोम फेप नाङदोङ म़ेदीनी ङाह सोल्‍वाङ मेहताप, यिहॱनाङ खुङया़ला ती़ह यिहन्‍ज्‍यु जेम्‍दी ज़्‍या़ नाङदोङ।

याहप दाङ ङाह च्‍यी़ येहकें ल़ेहमु खुङॱआङ च्‍यी़राङ डो ख़ूज्‍यु म़ेदी राहङगी ङाहला नाङग्‍योकी ज़िज्‍यिद, ङाहगी खुङया़ॱलाङ तेर्ती येह। ङाह खुङ ङ्याम्‍बु ओहले राहङ ङाह ङ्याम्‍बु ज़्‍य़ू नाङदी येह। दि ल़ेहमु पेहती खुङॱआङ छाङबु पेहती च्‍यी़राङ ओहङ ख़ूज्‍यु। ओहले राहङगी ङाहला ताङ नाङदी चेवा जे नाङग्‍यो ल़ेहमु खुङया़लाॱआङ चेवा जे नाङसीन माएँ ताम जाम्‍बुलीङगी ङोह स्‍य़े ख़ूज्‍यु।