Popular Bible Verses from مُکاشفہ 13

Share

یہاں پر حِکمت کی ضروُرت ہے۔ جو عقل رکھتا ہے وہ اِس حَیوان کا عدد گِن لے کیونکہ یہ آدمی کا عدد ہے اَور اُس کا عدد چھ سَو چھیاسٹھ ہے۔

اَور تمام اہلِ زمین کے سَب باشِندے اُس حَیوان کی پرستِش کریں گے، وہ سَب جِن کے نام اُس بنائے عالِم سے ذبح کیٔے ہویٔے برّہ کی کِتابِ حیات میں درج نہیں کیٔے گیٔے تھے۔

اُس نے چھوٹے بَڑے، اَمیر غریب، آزاد غُلام سَب لوگوں کے دائیں ہاتھ یا پیشانی پر ایک خاص نِشان لگوانے کے لیٔے مجبُور کیا، تاکہ اُن کے سِوا جِن پر اُس حَیوان کا نِشان یعنی اُس کا نام یا اُس کے نام کا عدد نہ ہو، اَور کویٔی دُوسرا خریدو فروخت نہ کر سکے۔

”اگر کویٔی اسیری کے لیٔے ہے، تو وہ اسیری میں جائے گا۔ اگر کویٔی تلوار سے قتل کرے گا، وہ تلوار ہی سے قتل کیا جائے گا۔“ اِس کا مطلب ہے کہ خُدا کے مُقدّسین کو صبر اَور ایمان پر قائِم رہنا ضروُری ہے۔

وہ اَژدہا سمُندر کی ریت پر جا کھڑا ہُوا۔ اَور میں نے ایک حَیوان کو سمُندر میں سے نکلتے دیکھا۔ اُس کے دس سینگ اَور سات سَر تھے اَور دس سینگوں پر دس شاہی تاج تھے، اَور اُس کے سَب سروں پر کُفر بھرے نام لکھے ہویٔے تھے۔

اُسے خُدا کے مُقدّسین سے جنگ کرنے اَور اُن پر غالب آنے کی قُوّت دی گئی اَور اُسے ہر قبِیلہ، ہر اُمّت، ہر اہلِ زبان اَور ہر قوم پر اِختیّار دیا گیا۔

اَور زمین کے باشندوں کو اُن معجزوں اَور نشانات کے سبب سے، جنہیں اُس حَیوان کے سامنے دکھانے کا اُس کو قُوّت دی گئی تھا، اَور اِن کے ذریعہ اُس نے زمین کے سَب باشندوں کو گُمراہ کیا تھا۔ اَور زمین کے سَب باشندوں کو حُکم دیتا تھا کہ جِس حَیوان کو تلوارکا زخم کاری لگا تھا وہ زندہ ہو گیا ہے، اِس لیٔے اُس کی تعظیم میں بُت بناؤ۔ اُسے پہلے حَیوان کی بُت میں جان ڈالنے کا اِختیّار دیا گیا تاکہ حَیوان کے بُت بولنے لگے اَورجو اُس بُت کو سَجدہ کرنے سے منع کریں اُنہیں قتل کروا ڈالے۔

اَورجو حَیوان مَیں نے دیکھا اُس کی شکل تیندوے کی مانند تھی، اَور پاؤں ریچھ کے سے اَور مُنہ شیرببر کا سا تھا۔ اَور اُس اَژدہا نے اَپنی قُدرت، اَپنا بڑا اِختیّار اَور اَپنا تخت اُس حَیوان کے سُپرد کر دیا۔

اُس حَیوان کو بڑا بول بولنے اَور کُفر بکنے کے لیٔے اُسے ایک مُنہ دیا گیا، اَور اُسے بَیالیس ماہ تک حُکومت کرنے کا اِختیّار دیا گیا۔

اُس حَیوان کے ایک سَر پر کسی مہلک زخم کا نِشان تھا۔ وہ زخم کاری شفایاب ہو گیا اَور تمام اہلِ دُنیا تعجُّب کرتے ہویٔے اُس حَیوان کے پیچھے چلنے لگے۔

پھر میں نے ایک حَیوان کو زمین میں سے نکلتے دیکھا۔ اُس کے دو سینگ تھے جو برّہ کے سینگوں کی طرح تھے، لیکن وہ اَژدہا کی طرح بولتا تھا۔ وہ پہلے حَیوان کا سارا اِختیّار اُس حَیوان کے سامنے کام میں لاتا تھا اَور دُنیا اَور اُس میں رہنے وَالوں سے اُس حَیوان کی پرستِش کراتا تھا، جِس کا زخم کاری شفایاب ہو گیا تھا۔