Popular Bible Verses from ମାର୍କୁସ୍ 9

Share

ୟୀଶୁ ଇନିଃକେ କାଜିକେଦାଏ, “ ‘ଆମ୍ ରିକା ଧାଡ଼ି ରେଦୋମ୍,’ ନେୟା ଚିକାନ୍ କାଜି? ବିଶ୍ଵାସ୍‍ତାନ୍ କୋୱାଃ ଲାଗିନ୍ ସବେନାଃ ହୋବା ଧାଡ଼ିୟୋଗା।”

କଡ଼ାହୋନ୍ ରାଃ ଆପୁ ତେ ଇମ୍ତାଗି କାଉରି କେତେ କାଜିକେଦାଏ, “ହେ ପ୍ରାଭୁ, ଇଙ୍ଗ୍ ବିଶ୍ଵାସ୍ ତାନାଇଙ୍ଗ୍; ଇଙ୍ଗ୍ଆଃ ଆବିଶ୍ଵାସ୍ କେ ଆତୋମ୍ ତାମ୍।”

ଏନା ତାୟୋମ୍ତେ ୟୀଶୁ ଅଡ଼୍ଆଃ ତେ ହିଜୁଃ ଲେନାଏ, ଦୋ ଇନିଜାଃ ଚେଲାକୋ ଏସ୍କାର୍ ଗି ରେ ଇନିଃକେ କୁଲିକିଜାକୋ, “ଆଲେ ଇନିଃକେ ଚିନାଃ ମେନ୍ତେ ଅଡୋଙ୍ଗ୍ କାଲେ ଧାଡ଼ିଜାନା?” ୟୀଶୁ ଇନ୍‍କୁକେ କାଜିକେଦାଏ, “ନେଲେକାନ୍ ବୋଙ୍ଗାଆତ୍ମାକୋ କା ବିନ୍ତି ଲେରେ ଆଡୋଃ କା ଉପାସ୍ ଲେରେ ଜେତାନ୍ ଲେକାତେ କାକୋ ଅଡୋଙ୍ଗ୍ ଧାଡ଼ିୟୋଗା।”

ବୁଲୁଙ୍ଗ୍ ବେଶ୍ ତାନାଃ, ମେନ୍ଦୋ ବୁଲୁଙ୍ଗ୍ ରାଃ ଶିବିଲ୍ ବାଗ୍‍ଡ଼ାଅ କେନୋଃ ରେଦୋ, ଏନାକେ ଅକନାଃତେ ବୁଲୁଙ୍ଗ୍ ୟାପେ? ଆପେୟାଃ ରେ ବୁଲୁଙ୍ଗ୍ ଲେକା ଗୁନ୍ ମାଣ୍ଡାଅ ପେ, ହାର୍ ଆପେ-ଆପେ ରେ ମେଶା କେତେ ତାଇନ୍‍ପେ।”

“ଅକଏ ହଗି ଇଙ୍ଗ୍ଆଃ ନୁତୁମ୍ ତେ ନେଲେକାନ୍ ହୁଡିଙ୍ଗ୍ ହୋନ୍ କୋଏତେ ମିହୋଡ଼୍ କେ ହଗି ସ୍ଵାଗାତ୍ ରିକାଏ ରେ ଇନିଃ ଇଙ୍ଗ୍‍କେ ସ୍ଵାଗାତିଙ୍ଗ୍ ତାନାଏ, ଆଡୋଃ ଅକଏ ହଗି ଇଙ୍ଗ୍‍କେ ସ୍ଵାଗାତିଙ୍ଗ୍ ରେଦୋ ଇନିଃ ଇଙ୍ଗ୍‍କେ କାହା ମେନ୍ଦୋ ଇଙ୍ଗ୍ଆଃ କୁଲ୍ ନିଃକେ ପାର୍ମେଶ୍ଵାର୍ କେ ସ୍ଵାଗାତ୍ ତାନାଏ।”

ଜେତାଏ ହଗି ମିୟାଃ ଗିଲାସ୍ ଦାଆ ଆପେକେ ଏନାମେନ୍ତେ ଆନୁପେୟାଏ ଚି ଆପେ ମାସୀହ୍ ରାଃ ତାନ୍‍ପେ ଦୋ ଇଙ୍ଗ୍ ଆପେକେ ସାର୍ତିଗୀ କାଜି ତାନାଇଙ୍ଗ୍ ଚି ଇନିଃ ଆଜାଃ ନାଲା ଅକୋ ଲେକାତେ କାଏ ଆଦେୟା।”

“ଜେତାଏ ହଗି ନେ ହୁଡିଙ୍ଗ୍ କୋଏତେ ଅକଏ ଇଙ୍ଗ୍ଆଃ ରେ ବିଶ୍ଵାସ୍ ତାନାକୋ, ଇନିଃକେ ବିଶ୍ଵାସ୍ ବାଗେ ଲାଗିନ୍ ଠୋକାର୍ ଏମେୟାଏ ଦୋ ଇନିଜାଃ ଲାଗିନ୍ ବୁଗିନାଃ ନେୟା ତାନାଃ ଚି ମିୟାଃ ମାରାଙ୍ଗ୍ ଜାଁତା ଦିରି ଇନିଜାଃ ହୋଟୋଃ ରେ ହାକାଅଃକା ହାର୍ ଇନିଃ ସାମୁଦାର୍ ରେ ଦୁଡ଼ିଙ୍ଗୋଃ କାଏ।

ଏନ୍‍ଲେକାଗି ଆମାଃ ମେଏଃ ତେ ଆମ୍‍କେ ପାପ୍ ରିକା ସାନାଙ୍ଗ୍ ରେଦୋ, ଏନାକେ ଅଡୋଙ୍ଗ୍ ତାମ୍, ବାରିୟା ମେଏଃ ତାଇନ୍ କେତେ ଅଗି ଆମ୍ ନାରାକ୍ ରେ ଦୁଡ଼ିଙ୍ଗ୍ଅଗାମ୍, ଏନାତେ ଦୋ କାଣା ହୋବା କେତେ ପାର୍ମେଶ୍ଵାର୍ ରାଃ ରାଇଜ୍ ରେ ବୋଲୋ ତେୟାଃ ଆମାଃ ଲାଗିନ୍ ନେୟାତେ ବୁଗିନ୍ ତାନାଃ।