Popular Bible Verses from ମାର୍କୁସ୍ 6

Share

ୟୀଶୁ ଇନ୍‍କୁକେ କାଜିକେଦାଏ, “ଦୋଲା, ଆବୁ ମିୟାଃ ଏଟାଃ ସୁନ୍‍ସାନ୍ ଜାଗା ରେ ସେନ୍ କେତେ ହୁଡିଙ୍ଗ୍ ସାଥାୱନ୍ ୱାବୁ।” ଚିୟାଃଚି ବେଶେ ହୋଡ଼ୋକୋ ହିଜୁଃ ସେନୋଃ ତାଇକେନାକୋ, ଏନାତେ ଇନ୍‍କୁକେ ଜୋମେ ଲାଗିନ୍ ହଗି ସାମାୟ୍ କାନାମୋଃ ତାଇକେନା।

ୟୀଶୁ ଇନ୍‍କୁକେ କାଜିକେଦାଏ, “ନାବୀ କେ ଆଜାଃ ଅଡ଼୍ଆଃ-ସାହାର୍ ରେ ହାର୍ ଆଜାଃ କୁଟୁମ୍ବ୍ ହାର୍ ଆଜାଃ ଅଡ଼୍ଆଃ ରେ ବାଗେ କେତେ ହାର୍ ଜାହାନ୍ ତାଃ ରେ ହଗି କାକୋ ଆପ୍‍ମାନ୍ ଇୟା।”

ଚିମ୍ତା ୟୀଶୁ ଡୋଙ୍ଗା ଏତେ ଆଡ଼୍‍ଗୁ ଜାନାଏ, ଇନିଃ ମିଃଥିମ୍ବା ହୋଡ଼ୋକୋକେ ନେଲ୍‍କେଦାଏ, ହାର୍ ଇନ୍‍କୁକେ ସୋଗାଓ କେଃକୋୱାଏ, ଚିୟାଃଚି ଇନ୍‍କୁ ଏନ୍ ମିଣ୍ଡୀକୋ ଲେକାକୋ ତାଇକେନା, ଅକନ୍ କୋୱାଃ ଅକୟଗି ଗୁପୀନିଃ କାକୋ ତାଇନ୍ କେନା। ଏନାମେନ୍ତେ ଇନିଃ ଇନ୍‍କୁକେ ପାର୍ମେଶ୍ଵାର୍ ରାଃ ରାଇଜ୍ ରାଃ ବିଷାୟ୍ ରେ ଥିମ୍ବାଗି କାଜିକୋ ଶିଖାଅ କେଃକୋୱାଏ।

ଆଡୋଃ ୟୀଶୁ ଏନ୍ତାଃରେ ଜେତାନ୍ ପେଡ଼େଏ ରାଃ କାମି କାଏ ରିକା ଧାଡ଼ିଜାନା, ଖାଲି ହୁଡିଙ୍ଗ୍ ଗି ବେମାରୀ କୋୱାଃ ରେ ତିଈ ମାଣ୍ଡାଅ କେତେ ଇନ୍‍କୁକେ ଚାଙ୍ଗାଇ କେଃକୋୱାଏ। ଆଡୋଃ ଇନିଃ ଇନ୍‍କୁୱାଃ ଆବିଶ୍ଵାସ୍ ନେଲ୍‍କେତେ ଆକ୍‍ଦାନ୍ଦା ଜାନାଏ, ଏନ୍ତେ ୟୀଶୁ ମିୟାଃ ହାତୁ ଏତେ ଏଟାଃ ହାତୁ କୋରେ ପାର୍ମେଶ୍ଵାର୍ ରାଃ ସାନ୍ଦେଶ୍ ଉଦୁବ୍ ଏଟେଃ କେଦାଏ।

ୟୀଶୁ ଏନ୍ ପାଞ୍ଚ୍ ଠୁ ହୋଲୋଙ୍ଗ୍ ହାର୍ ବାରିୟା ହାକୁ କୋକେ ଇଦିକେଦାଏ, ହାର୍ ରିମିଲ୍‍ଦିଶୁମ୍ ପାଡ଼୍ ନେଲ୍‍କେତେ ପାର୍ମେଶ୍ଵାର୍ କେ ଧାନ୍ୟାବାଦ୍ କେଦାଏ, ହାର୍ ହୋଲୋଙ୍ଗ୍ କୋକେ କେଚାଃ କେତେ ଚେଲାକୋକେ ଏମ୍ ଇଦି କେଃକୋୱାଏ ଚି, ଇନ୍‍କୁ ହୋଡ଼ୋକୋକେ ହାଟିଙ୍ଗ୍ କୋୱାକୋ ହାର୍ ଏନ୍ ବାରିୟା ହାକୁ କୋକେ ହଗି ଇନ୍‍କୁ କେ ହାଟିଙ୍ଗ୍ କେଃକୋୱାଏ। ଏନ୍ତେ ସବେନ୍ କୋ ଜୋମ୍ କେତେ ବିଇ ଜାନାକୋ। ଏନ୍ତେ ଚେଲାକୋ ୟୀଶୁ କେଚାଃକାନ୍ ତେୟାଃ ହୋଲୋଙ୍ଗ୍ କୋରାଃ ବାରା ଡାଲି ଫେରେଃ କେତେ ଇଦିକେଦାକୋ ହାର୍ ଚିମିନାଙ୍ଗ୍ ହାକୁ କୋଏତେ ହଗି ଇଦିକେଦାକୋ।