Popular Bible Verses from ଲୁକା 15

Share

ଏନ୍ତେ ଇନିଃ ବିରିଃ କେତେ, ଏନ୍ ଦିଶୁମ୍ କେ ବାଗେ କେଦାଏ ହାର୍ ଆଜାଃ ଆପୁ ତାଃ ରୁଆଡ଼୍ ଜାନାଏ। ହାର୍ ଇନିଃ ସାଙ୍ଗିନ୍ ରେଗି ତାଇକେନାଏ ଚି ଇନିଜାଃ ଆପୁ ତେ ଇନିଃକେ ନେଲ୍‍କେତେ ଦାୟା କିଜାଏ, ହାର୍ ନିର୍ କେତେ ହାମ୍‍ବୁଃ କିଜାଏ, ହାର୍ ଚୋଅ କିଜାଏ।

ଚିୟାଃଚି ଇଙ୍ଗ୍ଆଃ ହୋନ୍‍କଡ଼ା ଗୋଏଃ ଲେନ୍ ତାଇନାଏ ହାର୍ ଜୀହିଃ ରୁଆଡ଼୍ ଜାନାଏ, ଆଃ ଲେନ୍ ତାଇନାଏ, ନାଆ ନାମ୍ ରୁଆଡ଼୍ କାନାଏ।’ ହାର୍ ଇନ୍‍କୁ ରାଶିକା ଜାନାକୋ।

ଇଙ୍ଗ୍ ଆପେକେ କାଜିପେ ତାନିଙ୍ଗ୍ ଚି ନେଲେକାଗି ମିୟାଃ ପାପୀ, ପାପ୍ କାମି ବାଗେ କେରେ ଇନିଜାଃ ଲାଗିନ୍ତେ ସିର୍ମାଦିଶୁମ୍ ରେ ଇମିନାଙ୍ଗ୍ ରାଶିକା ହୋବାୱାଃ, ଚିମିନାଙ୍ଗ୍ ଚି ନିନ୍ୟାନାବେ ଧାର୍ମୀକୋ ଲାଗିନ୍ କାହୋବାୱା, ଅକନ୍ କୋ ପାପ୍ କାମି ବାଗେ ଛାବା କାଦାକୋ।”

ନାଆ ଇଙ୍ଗ୍ ବିରିଃ କେତେ ଇଙ୍ଗ୍ଆଃ ଆପୁ ତାଃ ସେନୋଃ ୱାଇଙ୍ଗ୍ ହାର୍ ଇନିଃକେ କାଜିୟାଇଙ୍ଗ୍ ହେ ଆବା ଇଙ୍ଗ୍ ପାର୍ମେଶ୍ଵାର୍ ରାଃ ବିରୋଧ୍ ରେ ହାର୍ ଆମାଃ ନେନେଲ୍ ରେ ପାପ୍ କାଦାଇଙ୍ଗ୍।

ହୋନ୍ ତେ କଡ଼ା କାଜିକେଦାଏ, ‘ହେ ଆବା, ଇଙ୍ଗ୍ ପାର୍ମେଶ୍ଵାର୍ ରାଃ ବିରୋଧ୍ ରେ ହାର୍ ଆମାଃ ନେନେଲ୍ ରେ ପାପ୍ କାଦାଇଙ୍ଗ୍, ନାଆ ନେ ଲାଏକ୍ ହ କାଇଙ୍ଗ୍ ତାଇନ୍ ଜାନା ଚି ଆମାଃ ହୋନ୍‍କଡ଼ା କାଜିୟୋଗାଇଙ୍ଗ୍।’

“ଆପେ କୋଏତେ ଅକଏ ମେନିଜା ଅକେୟାଃ ଶାଅ ଠୁ ମିଣ୍ଡୀକୋ ମେନାକୋୱା, ହାର୍ ଇନ୍‍କୁ ଏତେ ମିୟାଃ ମିଣ୍ଡୀ ଆଃ କେନୋଃରେ, ଦୋ ନିନ୍ୟାନାବେ କୋକେ ସୁନ୍‍ସାନ୍ ଜାଗା ପିଡ଼ି ରେ ବାଗେକେତେ, ଏନ୍ ଆଦାକାନ୍ ନିଈ କେ ଚିମିନ୍ ଜାକେଦ୍ କାଏ ନାମୋଗାଏ ଦାଣା କାଏ କାତିୟାଏ?