Popular Bible Verses from मर्कूस 6

Share

वहाँ बहुत्ते मनै आइतजाइत करतिहिँत कि येशू और हुँकार चेलनहे खाना खैना तकके फुर्सद नै मिल्लिन। तबेकमारे येशू अपन चेलनहे कलाँ, “चोलो, एकथो असिन ठाउँमे जाई, जहाँ हम्रे एक्केली रही, और हम्रे बिँसाई सेकी।”

तब् येशू ओइन्हे कलाँ, “एकथो परमेश्वरके अगमवक्ता जहाँ फेन जाइत, उहिहे वहाँ आदर मिल्थिस। पर अपन गाउँमे, अपन घरेम, अपन नातपाँतनके बिच्चेम ओकर आदर नै हुइथिस।”

जब येशू लाउमेसे बाहेर निकरलाँ, तब ऊ वहाँ बहुत्ते मनैनहे देख्लाँ, और ओइन्हे देख्के येशूहे सोग लग्लिन। काकरेकी ओइने असिन भेँरीनके हस रहिँत, जेनके कौनो भेँरहुवा नै रथिन। तब् येशू ओइन्हे परमेश्वरके राजके बारेम बहुत बात सिखाई लग्लाँ।

ओइने हुँकारमे विश्वास नै करलाँ, तबेकमारे येशू कौनो-कौनो मनैनके उप्पर किल हाँथ धारके ओइन्हे चोख्वैलाँ। यी बाहेक येशू वहाँ कौनो चमत्कार करे नै सेक्लाँ। येशूहे अचम्म लग्लिन कि मनैनहे कुछु विश्वासे नै हुइतिन। यकरपाछे येशू आँजरपाँजरके गाउँमे जाके मनैनहे परमेश्वरके वचन सिखैलाँ।

तब् येशू पाँचथो रोटी और दुईथो मच्छी लेलाँ, उप्पर स्वर्ग ओहोँर हेरलाँ, और परमेश्वरहे धन्यवाद देलाँ। ऊ रोटीहे खन्टैलाँ, और मनैनहे बाँटक लग चेलनहे देलाँ। येशू मच्छी फेन बाँटदेलाँ ताकि सक्कु जाने भेटाई सेकिँत। उ सक्कु जाने जतरा मन रहिन, ओत्रा खैलाँ और अघागिलाँ। जब सक्कु जाने खाना खाके सेक्लाँ, और खन्टैलक उब्रल रोटी और मच्छी चेलनके जमा करलाँ ते उ बाह्र छिट्वा रहे।