Popular Bible Verses from लूका 8

Share

कौनो मनै मल्गर जमिनमे बुइल बियक हस रथाँ। ओइने वचनहे सुन्थाँ, यिहिहे मानलेथाँ। और ओइने ओस्तेहेँ करथाँ, जसिन परमेश्वर चहथाँ कि ओइने करिँत्। ओइने उ मजा फारा हस हुइँत, जे तीस गुणा, साठी गुणा और सौ गुणा फारा फराइत।

जोन बिया झर्कत्तीमे गिरल, ओइने उ मनैनके हस हुइँत, जेने वचनहे सुन्थाँ। पर पाछे यी जीवनके चिन्ता, धन, सुखचैनमे परके परमेश्वरके वचनहे ओइने बिस्राजिथाँ। और अपन जीवनहे ओसिके नै जिथाँ जसिके परमेश्वर चहथाँ।

कौनो मनै पठराहा जमिन हस हुइँत। जेम्ने कौनो बिया गिरल। जस्तेहेँके ओइने वचन सुन्थाँ, ओइने खुशीसे लैलेथाँ। ओइने परमेश्वरके वचनहे अपन मनके गहिँराइमे जरसे बह्रे नै देथाँ। और ओइने यिहिहे थोरिक समयसमके लग किल विश्वास करथाँ। जस्तेके ओइन्के जीवन कर्रा होजैथिन या वचन स्वीकार करेबेर जब ओइन्हे परीक्षा अइथिन, ते ओइने हार मानजिथाँ।

येशू ओइन्हे कलाँ, “तुहुरिन्के विश्वास कहाँ गिल?” ओइने डरागिलाँ, और ओइन्हे अचम्म लग्लिन। और आपसमे कहे लग्लाँ, “यी के हुइताँ? आँधी और समुन्दरहे फेन अह्रैथाँ और ओइने हिँकार आज्ञा मन्थाँ।”

यदि केऊ दोसुर जहनहे वचन सुनाइत कलेसे, ऊ किसानके बिया छिटुइया हस हो। कौनो मनै उ डगर हस हुइँत, जेम्ने कौनो बिया गिरल रहिँत। जब ओइने वचन सुन्थाँ, तब् शैतान आइत और ओइन्के मनमेसे सुन्लक सन्देश लैजाइत। तबेकमारे ओइने विश्वास नै करथाँ और नै बँचाजिथाँ।

मोरिक मतलब यी हो कि परमेश्वर उ सक्कु चिजनहे खुलस्त करहीँ, जोन अभिनसम मनै नै जन्थाँ। और उ सक्कु चिजहे आघे नन्हीँ, जोन अभिनसम नुकल बा।

तब् अप्निहीँ नै नुके सेक्ना बात पता पाके उ जन्नी डरैती लग्लगैती आइल। और हुँकार आघे ठेहुनी टेकके बैठ्गिल, और ऊ हुँकिन्हे छुअल। तब् कसिके जुरतेहेँ मजा होगिल कहिके ऊ सक्कु मनैनके थेन बतादेहल। येशू उ जन्नीहे कलाँ, “छाई, तुँ अपन विश्वासके कारण चोखाइल बतो, शान्तिसे जाऊ।”

तब् ओइने येशूक लग्गे आके हुँकिन्हे जगैलाँ, “गुरुजी, गुरुजी, हम्रे डुबे लग्ली।” येशू उठ्के आँधी और तेज छल्काहे घघोट्लाँ ते छल्का थमगिल, और आँधी बिरकुल शान्त होगिल।