Popular Bible Verses from यूहन्ना 3

Share

काकरेकी परमेश्वर संसारके मनैनहे असिन प्रेम करलाँ कि ऊ अपन थेन रलक एक्केथो किल छावाहे दैदेलाँ, ताकि हुँकारमे विश्वास करुइया केऊ फेन नाश ना होए, पर ऊ सदाकालके जीवन भेटाए।

काकरेकी परमेश्वर अपन छावाहे संसारके मनैनहे दण्डक आज्ञा मिलिन कहिके नै पठैलाँ। पर संसारके मनैनहे हुँकार माध्यमसे मुक्ति मिलिन कहिके पठैलाँ।

येशू उहिहे जवाफ देलाँ, “जात्तिके मै तुहिन्हे कहतुँ, यदि केऊ लावा होके नै जल्मल कलेसे ऊ परमेश्वरके राजमे जाई नै सेकी।”

जे परमेश्वरके छावकमे विश्वास करी, उहिहे दण्डक आज्ञा नै हुई। पर जे हुँकारमे विश्वास नै करी, ऊ आग्गिहीँ दोषी ठहरागिल बा। काकरेकी ऊ परमेश्वरके एक्केथो छावक नाउँमे विश्वास नै करल हो।

और दण्डक आज्ञाक कारण यी हो कि ओजरार संसारमे आसेकल रहे, तभुन फेन मनै अन्धकारहे ओजरारसे धेउर मन परैलाँ। काकरेकी ओइन्के काम खराब रहिन।

जरुरी बा कि हुँकार महत्त्व धेउर होजाए, और मोरिक महत्त्व कम होजाए।”

काकरेकी जे खराब काम करत, ऊ ओजरारहे मन नै पराइत। और ओकर काम कहुँ देखा ना परजाए कना डरकमारे ऊ ओजरारके लग्गे नै आइत।

जे परमेश्वरके छावकमे विश्वास करत, उहिहे सदाकालके जीवन मिलगिल बतिस। पर जे परमेश्वरके छावक कलक नै मानत, उहिहे सदाकालके जीवन नै मिल्हिस, पर परमेश्वरके दण्ड ओकरमे पलिरही।”

जसिके मोशा उजाड़-ठाउँमे काँसक सँप्वाहे क्रूसमे टँगाइल, ओस्तेके यी जरुरी बा कि मै, मनैयक छावा फेन क्रूसमे टँगाजाऊँ।

परमेश्वर बाबा छावाहे प्रेम करथाँ, और ऊ सक्कु चिज हुँकारे हाँथेम दैदेले बताँ।