Popular Bible Verses from यूहन्ना 21

Share

जब ओइने खाके सेक्लाँ, तब् येशू सिमोन पत्रुसहे कलाँ, “हे यूहन्नक छावा सिमोन, यी दोसुर चेलनके जतरा महिन्हे प्रेम करथाँ, का तुँ महिन्हे उहिसे धेउर प्रेम करथो?” ऊ येशूहे जवाफ देहल, “हाँ प्रभु, अप्नि ते जन्थी, मै अप्निहे माया करथुँ।” येशू उहिहे कलाँ, “मोरिक पाछे लगुइयनहे रेखदेख करो, जेने पठ्वनके हस बताँ।” येशू उहिहे फेनदोस्रे कलाँ, “यूहन्नक छावा सिमोन, का तुँ महिन्हे प्रेम करथो?” ऊ येशूहे कहल, “हाँ प्रभु, अप्नि जन्थी कि मै अप्निहे माया करथुँ।” तब येशू उहिहे कलाँ, “मोरिक पाछे लगुइयनहे रेखदेख करो, जेने भेँरीनके हस बताँ।” येशू उहिहे तेसरचो कलाँ, “हे यूहन्नक छावा सिमोन, का तुँ महिन्हे प्रेम करथो?” पत्रुस दुखि होगिल, काकरेकी येशू तेसरचो उहिहे यी पुँछ्लाँ कि “का तुँ महिन्हे प्रेम करथो?” ऊ येशूहे कहल, “प्रभु, अप्नि ते सक्कु बात जन्थी। मै अप्निहे माया करथुँ कहिके अप्निहे पता बा।” येशू उहिहे कलाँ, “मोरिक पाछे लगुइयनहे रेखदेख करो, जेने भेँरीनके हस बताँ।

जात्तिके, मै तुहिन्हे कहतुँ, जब तुँ जवान रहो, तब तुँ अप्निहीँ अपन करहिँऊ बहानके जहाँ मन लागे वहैँ चलजाऊ। पर जब तुँ बुह्राजिबो, तब् तुँ अपन हाँथ पसारदेबो, और ओइने तुहिन्हे बहानके वहैँ लैजिहीँ, जहाँ तुँ जाई नै चहबो।”

येशू ओइन्हे कलाँ, “जाल लाउक दाहिन ओहोँर फेँकाऊ, तब् भेटैबो।” तब् ओइने जाल फेँकैलाँ ते ओइन्हे अतरा धेउर मच्छी मिल्लिन कि ओइने जालहे ताने नै सेक्लाँ।

सिमोन पत्रुस ओइन्हे कहल, “मै ते फेनदोस्रे मच्छी मारे जाइतुँ।” ओइने उहिहे कलाँ, “हम्रे फेन तोहाँरिक संग अइबी।” तब ओइने वहाँसे निकरके लाउमे चहुँरलाँ, पर उ रात ओइने एक्को मच्छी मारे नै सेक्लाँ।