Popular Bible Verses from युहन्ना 21

Share

फासाडी जाहा त्याआं रोटू उवे तेहलाम येशु लेतजा पेत्राहा कोयु, “योहानाआ पोऱ्या शिमोना, जेवडे प्रेम ओ मापो कोअता नाहाकोत तू त्यांआपेक्षा जाखा प्रेम मापो कोअत्लू? पेत्राई येशुहू कोयु, होय, प्रभू, ताहु मालूमे होय का तापो प्रेम कोअत्लू येशु लेतजा पेत्राहा कोयु, माआ कोकरे चोर.” तो तियाहा दिहरी कावा कोयु, योहानाआ पोऱ्या शिमोना, नाहाकोत तू मापो प्रेम कोअत्लू? पेत्राई येशुहू कोयु, होय प्रभू, ताहु मालूमे होय का तापो प्रेम कोअत्लू येशु लेतजा पेत्राहा कोयु, “माआ मेंढाआ राखवाली को.” येशु पेत्राहा फासी कोयु, योहानाआ पोऱ्या शिमोना, कि तू मापो प्रेम कोअत्लू? तेहलाम पेत्र जास्तीज नाराज ओवयू का येशु तियाहा तिसरीवेले फ़ुस्ल्याआ, नाहाकोत तू मापो प्रेम कोअत्लू? तेहलाम पेत्राई येशुहू कोयु, “ओ प्रभू, ताहु आखे किबी मालूमे होय?” ताहु मालूमे होय का आय तापो आय प्रेम कोअत्लू येशु लेतजा तियाहा कोयु, “माआ मेंडाहा सार”

आय ताहु खोरो कोत्लू, जांहा तू जुवान ओतु तेहलाम तू आपाआ कोमरुई रुमाल बांधीत जीही इच्छा ओती त्याजागे जात ओतु परंतु जांहा तू डायू उवे तेहलाम आथे सेटू कोअनारू अने कोडु दिहरु ताआ कमरुहू रुमाल बांधीत ज्याजीजागे तू जानारू ने ओतू तियाअ जागापो ताहु घेऊन जानारू.

फासाडी तिये कोयु, “नावेए बागडयी भागुम जाडू टाका ताहा तुमामे किबी जोडीत” तेहलाम तिये जाली टाक्यी परंतु जाखो मासावांही ते जालाहा फासी त्याआरोत खेच्ये जात निमिले.

शिमोन पेत्राई तियाहा कोयु, आय मासे तोईलाकाज जात होय, ते तियाहा कोयु, आमाहा पण ताआरी आवीत होय, तेहलाम ते त्याआरी गोये अने नावूमे जात बोह्ये परंतु तियाअ राती ते किबी तोहू सेकेले नाहा.