Popular Bible Verses from यूहन्ना 12

Share

अगर कोई मेरी सेवा करे, तेबा महा पीछे हूँणे; होर ज़खे हाऊं साहा, तखे मेरअ सेबक भी हूँणअं। अगर कोई मेरी सेवा करे, तेबा बापू तेऊरा आदर करणा।

जोह आपणे प्राणा शोभला प्यारे जाणा, सह तेउ खोउंदा, होर जोह ऐऊ संसारा में आपणे प्राणा अप्रिय जाणा, तेउ अनन्त जीबना री तणी तेऊरी रक्षा करणी।

हाऊं तमाबे सच-सच बोला कि तेबरे तणी गिहू रअ दाणअं जमीना में पड़ी करे नांई मरदअ, सह केलअ रहंदा; पर जेबा मरा, तेबा सह बहू फला आणा।

हाऊं संसारा में ज्योति होई करे आउअद, कि जोह कोई महा में बुशाह करी करे निहारे में रहे।

अगर कोई मेरी गला शूणी करे नांई मने, तेबा हाऊं तेऊ दोषी नांई डाहंदअ; किबेकि हाऊं संसारा बे दोषी ठराऊणे बे नांई, पर संसारा रे उद्धार करने बे आउअद साहा।

तेबा मरियमे जटामांसी रा आधा सेर इत्र बहू मेहँगा तेल आँणी करे तेऊरी जाघा में लेसु, होर आपणी ज़टा संघे यीशु री जांघा टुशी; होर इत्रा री खुशवू संघे सारअ घर शोभलअ होऊ।

ऐतकी तणी त्याहे खजूरा री डाली करी होर तेऊ संघे मिलदे निकते, होर पुकादे लागे, होशाना! धन्य इस्राएला रअ राजा, जोह परमेश्वरा रे ना का ईहंदा।

ऐता पैंदे यीशु तयाबे बोलू, सह बक्त आउआ कि मणशा रे शोहरू री महिमा हो।