Popular Bible Verses from यूहन्ना 10

Share

चोर कासु होरी कामा बे पर सीधी चोरी करने होर घाता करने होर नष्ट करने बे ईहंदा; हाऊ ऐतकी तणी आउअ कि जीबन पाए, होर बहुतायत का पाए।

शोभलअ फुआल हाऊं साहा; शोभलअ फुआला भेडा री तणी आपणे प्राणा दिंदा।

मेरी भेडा मेरा शब्द शूणा, हाऊं त्या जाणा, होर त्या महा पीछे-पीछे हांडाआ

होर हाऊं तयाबे अनन्त जीबन दिंदा। त्या कधी नष्ट नांई हुँणी, होर त्या कासी मेरे हाथा का नांई छीनणी।

दुआर हाऊं साहा; अगर कोई मेरे साबे मितर प्रबेश करे तेऊ उद्धार पाऊणा, होर मितर बाग़े ईहंदअ नाहंदअ रहंणअ होर घाह दीणा।

शोभलअ फुआल हाऊं साहा, हाऊं आपणी भेडा जाणा, होर मेरी भेडा महा जाणा।

मेरअ बापू, जूणी त्या महा बे दिन्नी दी थी, सभी का बढ़अ साहा होर कोहे भी त्या बापू रे हाथा का छिनी नांई सकतअ। हाऊं होर बापू एक साहा।

जेड़अ बापू महा जाणा हाऊं बापू जाणा-होर हाऊं भेडा री तणी आपणे प्राण दिंदा।

कोई तेऊ महा का छींनदअ नांई, पर हाऊं तेऊ आपे ही दिंदा महा तेऊरे दींणे रा भी अधिकार साहा, होर तेऊ लऊणे रा भी अधिकार साहा यह आज्ञा महा मेरे बापू का भेटिदी आसा।

तेबा यीशु तयाबे भी बोलू, हाऊं तमाबे सच-सच बोला, भेडा रअ दुआर हाऊं साहा।

नोकर जोह नाह फुआल साहा नाह भेडा रअ मालक साहा, भड़िए ईहंदा भालिकरे हारिये भेडा छाड़ी करे ठुरा; होर भेड़िया त्या ढाका होर तितर बितर करादा।

हाऊं तमाबे सच-सच बोला कि जोह कोई दुआर बाथी भेडा रे खुड़े नाहंदअ पर कासी होर्से ईहन्दा, सह चोर या डाकू साहा।