Popular Bible Verses from प्रेरित 2

Share

पतरसे त्याहबे बोलू, मन फेरा, होर तमा सभी में हर एक आपणे-आपणे पापा री क्षमा बे यीशु मसीह रे ना कअ बपतिस्मा लआ तेबा तमे पवित्र आत्मा रा दान पाऊंणा।

होर त्याह प्रेरितों का शिक्षा पाणे, होर संगति डाहणे होर रोटी चोडने होर प्रार्थना करने में सहभागी होई।

त्याह सभे पवित्र आत्मा संघे भरी, होर जेडी तरह आत्मा त्याहबे बोलने री सामर्थ्य दीनी, त्याहे होरी-होरी भाषा बोलदे लागे।

एकदम सरगा का बड़ी आंधी संघे ज़ोरे एक शब्द होऊ, होर तेसा आंधी संघे सारअ घर जखे त्याह बेठेदे थी, गुन्जू। होर त्याह आगि साही जीभ फुटदी हेरदी लागी होर त्याहरे घरा में इंहदी लागी। त्याह सभे पवित्र आत्मा संघे भरी, होर जेडी तरह आत्मा त्याहबे बोलने री सामर्थ्य दीनी, त्याहे होरी-होरी भाषा बोलदे लागे।

त्याह रोज एकमन होई करे मंदिरे कठे हुंदा, होर घरे-घरे रोटी खान्दा थी, होर खुशी संघे होर मना री सिधाई संघे खांणा खांदा। होर परमेश्वरा री स्तुति करा, होर सबे लोका त्याह का खुश थी, होर जोह उद्धार पांऊदा थी, त्याहक परमेश्वर रोज त्याहबे मलाऊंदा थी।

परमेश्वर बोलदा की आखरी धयाडी में एडा हूंणा कि महा आपणा आत्मा सभी मणशा प्राणी पैंदे फेरणा, होर याह रे शोहरू होर शोहरी भविष्यवाणी करणी, होर याह रे जुआना दर्शन करणे होर थारे बजुर्गा सुपने हेरने।

होर सभे बुशाह करन आले कठे रंहदा, होर त्याह री सभे चीजा सांझी में थी। त्याहए आपणी-आपणी सम्पति होर सामान बेची-बेची जेडी जरूरत हुंदा थी, आपु में बांडा।

होर जोह कोई परमेश्वर रा ना लऊलअ तेऊ उद्धार पाऊणा।

परमेश्वरा रे महान होर तेजस्बी धयाडे इंहणे कअ पहिले सूरज न्याहरअ होर जोहथ लोहू साही लाल हूंणी।