Popular Bible Verses from Luka 23

Share

Bhi Jesu satt le, “Daa, ghi fwa mwopp, p'ee baah mwopp manshiiy bii w'u runn phi sh'in nyi mou.” Bhi mhi'lek ni mwopp shap looh'lop khi Jesu shut sh'i wangg'mang.

Bhi Jesu pring nyi le, “Ih kihh satt a zeenn gha, gha p'ee kwed kihshag kihh a'n dhighin BlengNaan shishinn se.”

Bhi wu'nyi satt Jesu le, “Daah Jesu, ghi p'an kihh a'n p'ar w'u mihh ghi ji diy dhighin dhenglong keegha.”

Bhi Jesu peet satt kihh dhekheh niy bhall-bhall le, “Daa, ih dhen seen na sarr gha oou!” Kaarooh satt kihhsheh bhi m'uut.

Kaarooh mwopp dum wull m'ee pee w'u mwopp kihh peet Kih Yesskaah, bhi mwopp pwas Jesu nhighin kihshag kihh mhi-wadpee mhizeh ni mwopp, kooh meehrangg kih sheepmuutt m'iin: wu'zeh sarrsoh, wu'zeh sarr'kul Jesu kihnaar.

Kaarooh pee wull kaa gonggpee wu'kaghapaad baa'vel mhi puus se, bhi pee taah'kwoo kih yill ni kihhdihng harr gonggpee wu'kunn, p'ee puus yakhal nook bhanggpee. Fwaat-pwooluh w'u dhighin LuhNaan tee sag sam putt, shap vel.

Kaptin khi mhi'lek w'u kihh dharr nhighin naah bii mihhseh, bhi y'aa kwoob Naan le, “Ai gwoh mhize ni a gu'shigrett.”