Popular Bible Verses from ปะทมมะกาน 50

Share

มีน​ยู ‍ อัมไป​อี​ตาะ​เนว​นาก็​ตัอ​ก็าก​ตัอ​ออ​จอ์ะ​กึ ‍ ฮัก​พูซาง​พัด​อะปลิก​ออ์น​อัน​ปัน​เนว​ออ ‍ เจอ​ออ์น​อัน​ปัน​กือ​นาก็​อัมไป​โฮม​จะนูอ​ออยะ ‍ ออ์น​กวย​แว็ด​กะเจด​อับ​ตัอ​มีน​พะดาม ‍

ฮัก​โยเซบ​บัด​เวา​นึง​อะไล​ปาย ‍ "อัมไป​ซู​อังกอฮ​ก็​ไท ‍ กึ​ตัอ​มีน​พูซาง​ได ‍ กึ​ซี​ตัอ​ปัน​เอด​โตด​นึง​อัมไป​ดัก ‍

ค็าน​อังกิ​เจอ ‍ อัมไป​ซู​อังกอฮ​ก็​ไท ‍ อังกอะ​นัง​ซี​เฮะ​ซี​กรัว​อัมไป​อัอด ‍ อังกอะ​นัง​ซี​ออ์น​กอน​ออ์น​เจา​คอง​อัมไป​เบิน​ปูอ​อัอด​ปูอ​จีา​กือ​เตียะ​อัอด" ‍ เจอ​อัน​ก็​เวา​ออ​นำ​อะไล ‍ เพือ​ซี​ออ์น​อะไล​ซะอำ​นึง​มิด ‍

อัน​อะตัอง​มะเฮะ​ออ์น​แซก​กับ​ไม​วิด​อังกิ ‍ แซก​ออ์น​ไม​อะไพ​มะเฮะ​นึง ‍ นาก็​มะเฮะ​ตาะ​โลยฮ​กับ​ไม​แตเกา​อะกี ‍ อังกิ​ได ‍ อัมปูอ​ไฮ​อะตัอง​มะเฮะ​ออ์น​แซก​กับ​ไม ‍ ค็าน​อังกิ​ก็​แซก​ออ์น​ไม​อะไพ​มะเฮะ​นึง ‍ มะเฮะ​ก็​ปัน​กวยไซ​คอง​พูซาง ‍ พู​นาก็​ปัน​พะเจา​คอง​อัมปูอ​ไฮ" ‍ บัด​โยเซบ​ซัง​จุม​อาย​พาะ​คูอม​อะตัอะ​วิด​อังกิ​เจอ ‍ อัน​ก็​เญียม ‍

เจอ​ฮาไน​โยเซบ​ก็​เวา​นึง​จุม​แซมอัอย​คอง​อัน​ปาย ‍ "กึ​ก็​แจะ​ซี​กะเจด​เจอ ‍ ฮัก​พูซาง​ซี​ตัอ​ตาฮ​อัมไป​ดัก ‍ อัน​นัง​ซี​เฮะ​ซี​กรัว​อัมไป​อัอด ‍ อัน​ฮัก​ซี​ปีา​อัมไป​ลอฮ​ตาฮ​ปะเทด​อะไน ‍ ออ์น​ลับ​ปัอะ​จอ์ะ​กะแตะ​บอน​นาก็​อัน​ซันญา​อะดอะ​กับ​อับราฮัม ‍ อิซอัก ‍ กับ​ยาโคบ ‍ นาก็​ปัน​อะยาะ​อะจวยฮ​คอง​ไฮ​อะกี" ‍

เจอ​โยเซบ​ออ์น​จุม​กอนเจา​คอง​อิซราเอล​ซาบาน​อะดอะ​นึง​อัน ‍ อัน​เวา​นึง​อะไล​ปาย ‍ "พูซาง​ฮัก​ซี​กรัว​อัมไป​อะดอะ ‍ บัด​พูซาง​ปีา​อัมไป​ลอฮ​ตาฮ​ปะเทด​อียิบ​อะไน ‍ เพือ​ซี​ออ์น​อัมไป​ลับ​ปัอะ​จอ์ะ​กะแตะ​คานาอัน​แอน ‍ ก็​ซี​ออ์น​อัมไป​เอด​ซบ​คอง​กึ​อะปัอะ​นำ​เดอ" ‍

โยเซบ​เบิน​อาญุ​ตัอะ 110 ปี ‍ เจอ​อัน​เลิด​กะเจด ‍ เจอ​อะไล​ก็​เอด​ซบ​คอง​อัน​จอ์ะ​ละเฮา​นาก็​ตัอ​ออ์น​มะนาะ​ตัอ​ออ์น​อันซอ์ะ​อะกี ‍ เจอ​ก็​เอด​ซบ​คอง​อัน​อะดอะ​นึง​โลง​ปัอะ​ปะเทด​อียิบ ‍ อะไล​เอด​อะดอะ​ตี​กี​วาย ‍ จน​ซี​ตัอะ​เวลา​นาก็​อะไล​ซี​เบิน​ลอฮ​ปัอะ ‍ กือ​นาก็​โยเซบ​อะตัอง​อะไล​อะดอะ​อะกี​ออยะ ‍