Popular Bible Verses from กิดจะกาน 1

Share

เวียะ​คอง​อัมไป​บัด​กือ​อะตัอง​ออ์น​กวย​ด็าง​เรือง​คอง​กึ​อะกี​ออยะ ‍ ฮัก​ออ์น​อัมไป​อะกัน​ออ์น​วินญาน​บอ์ริซุด​ตัอะ​อัอด​นึง​อัมไป​วาย ‍ บัด​วินญาน​บอ์ริซุด​ตัอะ​อัอด​นึง​อัมไป​เจอ ‍ อัน​ซี​ออ์น​อัมไป​เบิน​เรง​เบิน​อำนาด ‍ เจอ​อัน​ซี​จวน​อัมไป​ปัอะ​อะตัอง​เรือง​คอง​กึ​ออ์น​กวย​กู​นาะ​กู​บอน​ด็าง ‍ อัมไป​ซี​เริม​อะตัอง​กวย​อัอด​นึง​กรุง​เยรูซาเล็ม ‍ เจอ​ซี​ปัอะ​ตัว​เคด​ยูเดีย ‍ กับ​เคด​ซะมาเรีย ‍ จน​ปัอะ​ตัว​ญิ​กู​บอน​นึง​โลก​อะไน" ‍

เจอ​พะเยซู​ก็​เวา​นึง​อะไล​ปาย ‍ "นาก็​ซี​ด็าง​มือ​ด็าง​เวลา​นาก็​อะไน​อะกี​ซี​กัอด​อะซอฮ​อะกี ‍ อัน​ตัอ​มีน​ได​ปัน​เวียะ​คอง​อัมไป ‍ ฮัก​ปัน​อัมปูอ​กึ ‍ นาก็​ต็าง​อะดอะ​มือ​ต็าง​อะดอะ​เวลา​กู​เนว ‍

เบิน​มู​จะไง​พะเยซู​อัอด​จีา​ดอ์ย​กับ​จุม​ตัวแทน​คอง​อัน ‍ เจอ​อัน​ก็​เวา​ปาย ‍ "อัมไป​ซู​ปีาว​ดิ​ตาฮ​กรุง​เยรูซาเล็ม​อัมปิน​เดอ ‍ ออ์น​อัมไป​อะกัน​อัอด​ตี​ไน​วาย ‍ จน​เตา​อัมปูอ​กึ​ซี​อะซวย​วินญาน​บอ์ริซุด​ออ์น​ตัอะ​อัอด​นึง​อัมไป ‍ กือ​นาก็​อัน​เกย​ซันญา​อะดอะ​กับ​อัมไป​อะกี​ออยะ ‍ เรือง​อะไน​กึ​เกย​เวา​ออ์น​อัมไป​ตะมึง​เจอ ‍  แตเกา​ยอน​เกย​ออ์น​อัมไป​ตาะ​พิที​ดุบ​ดัอะ ‍ ฮัก​แอน​ตัอ​ดูน​พูซาง​แฮง​ซี​ตาะ​ออ์น​ก็าก​กูอ​อะกี ‍ อัน​ซี​อะซวย​ตะนายฮ​วินญาน​บอ์ริซุด​ออ์น​ตัอะ​อัอด​นึง​อัมไป ‍ อังกิ​กึ​จัง​อี​ออ์น​อัมไป​อะกัน​อัอด​ตี​ไน​วาย" ‍

เจอ​ฮาไน​อังกอะ​ก็​เคียน​นังซือ​อะซวย​อะปัอะ​จอ์ะ​ไม​ปัน​เล็ม​ที​ซอง​แอน ‍ นึง​เล็ม​ไน​อังกอะ​ซี​ออ์น​ไม​ด็าง​เรือง​นาก็​กัอด​อะซอฮ​ตอ​ตี​เล็ม​ตู​ญวง​อะกี​แอน ‍ เรือง​คอง​พะเยซู​ตอ​ปัอะ​ก็​ปัน​อังกิ ‍ บัด​พะเยซู​กะเจด​ตาง​กวย​ไฮ​เจอ ‍ อัน​ก็​มอ์ยฮ​แอน ‍ บัด​อัน​มอ์ยฮ​อะกี ‍ พะเยซู​อัอด​นึง​โลก​อะไน​แอน 40 มือ ‍ นึง​ซวง 40 มือ​อะไน​พะเยซู​ก็​ปัอะ​จอ์ะ​ตัวแทน​คอง​อัน​ซะเอย​ตูอ ‍ เพือ​ออ์น​อะไล​โฮม​ก็าก​ปาย​อัน​มอ์ยฮ​ลึ​อะเลอ ‍ เจอ​นึง​ซวง​นาก็​อัน​อัอด​กับ​ตัวแทน​อะกี ‍ พะเยซู​ก็​อะเรียน​อะไล​ออ์น​เคาไจ​เรือง​นาก็​พูซาง​ซี​ตัอะ​เฮะ​ตัอะ​กรัว​ตัอะ​ปกครอง​กวย ‍ ปาย​อัน​ซี​ปัน​วิลลาะ​นืยะ ‍

บัด​พะเยซู​เวา​อังกิ​มม​เจอ ‍ พูซาง​ก็​เอด​พะเยซู​อะซอฮ​จอ์ะ​มะลัง​ตอ​มัด​อะไล ‍ เจอ​ตอ์​อัน​ก็​ปิด​ปัอะ​นึง​เมก

จุม​นาก็​ปัน​ตัวแทน​คอง​พะเยซู​อะกี ‍ ก็​นัง​ตะเงือะ​อะเฮะ​ตะปูน​อัอด ‍ เจอ​พะดี​เบิน​กวยกอ์น​บาล​นาะ ‍ นาก็​จอ์ะ​อะรายะ​ซี​กลอก​ตัอะ​ตะยึง​อัอด​มะนืย​กับ​อะไล​ตี​กี ‍  เจอ​บาล​นาะ​อะกี​ก็​เวา​ปาย ‍ "กวย​กาลิลี​เอย ‍ ตะนาะ​อัมไป​จัง​ตะเงือะ​อะเฮะ​จอ์ะ​มะลัง? ‍ พะเยซู​นาก็​พูซาง​เอด​อะซอฮ​อัอด​ปัอะ​มะลัง​อะไน ‍ อัน​นัง​ซี​ลับ​ตัอะ​จอ์ะ​อัมไป​แอน ‍ อัน​ซี​แซง​ตัอะ​ตี​มะลัง ‍ กือ​นาก็​อัมไป​โฮม​อัน​ซอฮ​ปัอะ​อะไน​ออยะ" ‍