Popular Bible Verses from Matta 23

Share

Arańızdaǵı eń ullıńız sizlerdiń xızmetshińiz bolsın.

Óytkeni kim de kim ózin joqarı tutsa, ol pásletiledi, kim de kim ózin pás tutsa, ol mártebeli qılınadı.

Hásiret shegesizler, diniy muǵallimler hám pariseyler, eki júzliler! Sizler jalbız, anis, zire sıyaqlı ósimliklerdiń onnan birin beresizler, biraq Muxaddes Nızamdaǵı eń baslılarına: ádillikke, miyrim-shápáátke hám sadıqlıqqa kewil bólmeysizler. Bunı da islep, onı da qaldırmawıńız kerek edi.

Hásiret shegesizler, diniy muǵallimler hám pariseyler, eki júzliler! Sizler tabaq-keseniń sırtın tazalaysızlar, biraq olardıń ishi nápsiqawlıq hám júwensizlikke tolǵan.

– Oh, Erusalim, Erusalim! Payǵambarlardı óltiriwshi, Qudaydıń saǵan jibergenlerin tas boran qılıwshı qala! Óz shójelerin qanatınıń astına alǵan mákiyen sıyaqlı, Men de seniń balalarıńdı neshe ret jıynamaqshı boldım, biraq sizler qálemedińler.

Sol sıyaqlı sizler de sırtıńızdan adamlarǵa ózlerińizdi haq adam etip kórsetesizler, biraq ishlerińiz eki júzlilik penen nızamsızlıqqa tolı.