Popular Bible Verses from Malaxiya 3

Share

Úyimde azıq-awqat bolıwı ushın, barlıq onnan birlerińizdi zatlar saqlanatuǵın bólmege alıp kelińler. Meni usılayınsha sınap kórińler», – deydi Álemniń Jaratqan Iyesi. «Sonda aspan qaqpaqların ashaman, sizlerdiń ústińizge bereket jawdırıp, tolıp tastıraman.

Eginlerińizdi shegirtkelerdiń jep ketiwine jol qoymayman hám júzim baǵlarıńız jemissiz qalmaydı», – deydi Álemniń Jaratqan Iyesi. «Sonda barlıq xalıqlar sizlerdi: „Qanday baxıtlı xalıq“ – dep ataydı. Sebebi sizlerdiń elińiz ájayıp bir jer boladı», – deydi Álemniń Jaratqan Iyesi.

«Men belgilegen sol kúnde, olar Meniń ǵáziynem boladı», – deydi Álemniń Jaratqan Iyesi. «Áke ózine boysınǵan ulına qanday miyrim kórsetse, Men de olarǵa sonday miyrim kórsetemen. Sol waqıtta sizler haq adam menen jawız adamnıń, Qudayǵa xızmet etken adam menen xızmet etpegen adamnıń arasındaǵı ayırmashılıqtı jáne kóresiz».

«Mine, Men Óz xabarshımdı jiberemen. Ol Meniń aldımda jol tayarlaydı. Sizler kóriwdi ańsap júrgen kelisimniń xabarshısı kiyatır. Sizler izlep atırǵan Iye tosattan Óz Ibadatxanasına keledi», – deydi Álemniń Jaratqan Iyesi.