Popular Bible Verses from Luka 9

Share

Sonda Iysa hámmege bılay dedi: – Kim de kim Maǵan ergisi kelse, ózinen keshsin hám hár kúni óz atanaq aǵashın arqalap, Meniń izime ersin.

Kim de kim óz janın saqlamaqshı bolsa, onı joǵaltadı, al kim de kim óz janın Men ushın joǵaltsa, ol onı saqlap qaladı.

Biraq Iysa oǵan: – Atızdı súriwdi baslap, artına qaray beretuǵın adam Qudaydıń Patshalıǵına ılayıqlı emes, – dedi.

Eger adam pútkil dúnyanı iyelegeni menen, óz janın joytıp, ózine zıyan keltirse, bunnan oǵan ne payda?

Kim de kim Mennen hám Meniń sózlerimnen arlansa, Adam Ulı da Óziniń, Ákesiniń hám muxaddes perishtelerdiń saltanatında kelgende, onnan arlanadı.

Iysa oǵan: – Túlkilerdiń inleri, aspandaǵı quslardıń uyaları bar. Biraq Adam Ulınıń bas qoyıp tınıǵatuǵın ornı da joq, – dedi.

olarǵa bılay dedi: – Kim de kim bul balanı Meniń atım ushın qabıl etse, onıń Meni qabıl etkeni boladı. Al kim de kim Meni qabıl etse, onıń Meni Jibergendi qabıl etkeni boladı. Óytkeni arańızda kim eń kishkene bolsa, sol eń ullı boladı.