Popular Bible Verses from Luka 5

Share

Sózin tamamlaǵannan soń, Shimonǵa: – Tereńirek jerge júzip barıp, balıqqa aw sal, – dedi.

Shimon Oǵan juwap berip: – Ustaz! Bizler túni menen miynet etip, hesh nárse tuta almadıq. Biraq, Seniń sóziń boyınsha aw salaman, – dedi. Olar usılay islegende, kóp balıq tutqanlıǵı sonshelli, hátte, awları da jırtıla basladı.

Al Iysa awlaq jerge barıp, duwa etetuǵın edi.

Men haq adamlardı emes, al gúnakarlardı táwbege shaqırıwǵa keldim, – dedi.

Bunı kórgen Shimon Petr Iysanıń ayaǵına jıǵılıp: – Iyem! Meniń qasımnan ket, óytkeni men gúnakar adamman, – dedi.

Iysa olarǵa juwap berip: – Shıpakerge deni sawlar emes, al awırıwlar mútáj.

Sonda olar qayıqların jaǵaǵa shıǵardı da, hámmesin qaldırıp, Iysanıń izine erdi.

Iysa bir qalada bolǵanda, teri keselligi pútkil denesin qaplaǵan bir adam keldi. Ol Iysanı kórip, ayaǵına jıǵıldı da: – Iyem! Eger Sen qáleseń, meni kesellikten tazalay alasań, – dep jalındı. Iysa qolın sozıp, oǵan tiygizdi de: – Qáleymen, tazalan! – dedi. Ol sol waqıtta-aq teri keselliginen tazalandı.

Biraq Iysa haqqında xabar burınǵıdan da kóbirek jayıldı. Kóp xalıq Onı tıńlap, awırıwlarına shıpa alıw ushın, Onıń aldına aǵıp kele berdi.