Popular Bible Verses from Elshiler 4

Share

Iysadan basqa hesh kim arqalı qutqarılıw joq. Qutqarılıwımız ushın aspan astında adamlarǵa berilgen basqa hesh bir at joq.

Duwa etip bolǵanda, olar jıynalǵan jer silkinip ketti. Hámmesi Muxaddes Ruwxqa tolıp, Qudaydıń sózin mártlik penen ayta basladı.

Endi, O Iyemiz, olardıń aybat etiwlerine názer salıp, Seniń sózińdi tolıq mártlik penen aytıwǵa Óz qullarıńa kúsh-quwat bere gór!

Sol Iysa haqqında Muxaddes Jazıwda bılay dep aytılǵan: «Siz, qurılısshılardıń kereksiz dep taslaǵan tası, Úydiń múyeshiniń tiykarǵı tası boldı».

Keńes aǵzaları Petr menen Yuxannıń bilimsiz hám qarapayım adamlar ekenin bayqap, olardıń batıllıǵın kórgende tań qalıstı. Olardıń Iysa menen birge bolǵanın bildi.

Iseniwshiler jıyınındaǵı hámme adam bir jan, bir tán edi. Hesh qaysısı da óz mal-múlkin «meniki» demeytuǵın edi. Al hámme nársesin ortalıqqa qoydı.