Popular Bible Verses from U‐Jeremiya 17

Share

Inetamsanqa indoda etembela KUYEHOVA, netemba layo li NGUYEHOVA! Ngokuba iya kuba njengomti utyelwe ngasemanzini, onabisayo ingcambo zawo ngasemlanjeni, ongaboni nxa buzayo ubushushu, koko igqabi lawo liba luhlaza; ongenaxala emnyakeni wokwoma, ongapezi ukuvelisa isiqa̔mo.

Intliziyo inenkohliso pezu kwezinto zonke; ewe, inesifo esinzima; ngubanina ongayaziyo?

Ndim YEHOVA opengululayo intliziyo, olingayo izintso; ukuze ndinike kubo bonke njengokwemikwa yabo, njengokwesixakato sezenzo zabo.

Utsho UYEHOVA ukuti: Iqalekisiwe indoda etembela emntwini, eyenza inyama ingalo yayo, nentliziyo imkayo KUYEHOVA! Ngokuba iya kuba njengomti weharohere elubala, ingaboni naxeshekweni kuzayo okulungileyo; koko iya kuma ezindaweni ezomileyo entlango, ezweni elityuwa nelingenabemi.

Ndipilise, YEHOVA! ndandiya kupiliswa; ndisindise, ndandiya kusindiswa: ngokuba wena uyindumiso yam.