Popular Bible Verses from मर्कूस 1

Share

दोसर दिन भरौवा उजेत हुऐसे बहुते पहेला येशू उठिके गाँवसे बाहार एकान्त जगहमे गेलै, आर ओत्ते ऊ प्रार्थना कैल्कै।

ऊ कहैल्कै, “परमेश्वर जेटा समय तय कैल्कै रहे, उटा समय ऐल छै; आर परमेश्वरके राज्य एखन ऐल छै। पाप करैले छोड आर परमेश्वरके तरफ मन लगा, आर खुश-खबरीमे विश्वास कर।”

पानीसे निकल्लके बाद तुरन्ते येशू आकाश उघर्ल देखल्कै आर पवित्र आत्माके पेर्वाके रुपमे आपन उप्परमे उतर्ते देखल्कै। तब परमेश्वर स्वर्गसे बोल्लै आर येशूके कहैल्कै, “तुहें हमर प्यारा बेटा छैं, तोरासे हमे बहुते खुश छियौ।”

हमे तोरासिके पानी ल्याके बप्तिस्मा देलियौ छे, मगर ऊ तोरासिके पवित्र आत्मासे बप्तिस्मा देतौ।”

तब येशू ओकरासिके कहैल्कै, “हमरसंगे या आर हमर चेला बन; आब तुहें माछ नैमार्भैं, मगर हमे तोरा सिखैबौ कि आदमीसिके हमर चेला बनैले केरंके सिखाबे पडैछै।” ऊसब तुरन्ते आपन माछ मारेवाला काम बन्द कैल्कै, आर ओकर चेला बनैले ओकरसंगे गेलै।

आर ओत्ते जमा भेल आदमीसब ओकर शिक्षामे चकित भेलै। कहिनेकी ऊ ओकरासिके यहूदी धरमशास्त्रके पण्डितसिके जेरं नै, मगर अधिकारके साथ शिक्षा देल्कै।