Popular Bible Verses from मत्ती 9

Share

तब ऊ आपन चेलासिके कहैल्कै, “जेरंके खेतमे बहुते फसल हैछै, एरंको बहुते आदमीसब छै जे परमेश्वरके वचन सुनैके लिए तैय्यार छै। मगर परमेश्वरके राज्यके बारेमे बताबैके लिए आदमीसब कम छै। सेल्याके फसलके प्रभुसंगे प्रार्थना कर ताकी परमेश्वरके राज्यके बारेमे आदमीसिके बताबैके लिए बहुते आदमीसिके भेजी दौ।”

मगर एकर मतलब कि हैछै तुहेंसब सिख: ‘हमे हमर लिए जानवरके बलिदान नैचाहैछियै, मगर तुहेंसब आदमीसिपर दया कर कहिके हमे चाहैछियै।’ कहिनेकी हमे पापसे भर्ल आदमीसिके पाप करैले छोड आर परमेश्वरके तरफ मन लगा कहिके बोलाबैके लिए ऐलियै छे, ओकरासिके नै जे अपने आपके धर्मी छियै कहिके सोचैछै।”

मगर आदमीसिके भीड देखिके ओकर मन दयासे भर्लै। कहिनेकी ओकरसिके कोनो अगुवा नैरहै जे ओकरसिके देखभाल करे सकै। ओकरासिके हैरान आर लाचार भेल देखल्कै।

ओकरसिके कैल बात सुनिके येशू एरंके कहैल्कै, “निरोगीसिके बैधके जरुरत नैपडैछै, मगर रोगीसिके बैधके जरुरत पडैछै।

तब येशू आर ओकर चेलासब सभे सहर आर गाँवसिके महर यहूदी आदमीसिके सभाघरसिमे शिक्षा देते, परमेश्वरके राज्यके खुश-खबरी प्रचार कर्ते आर सभे किसिमके रोग-बेमार आर दुर्बलतासब ठीक कर्ते गेलै।