Popular Bible Verses from मत्ती 5

Share

कोय भी आदमीसब चिराग बारिके ओकरा ढाकी ल्याके नैझाँपैछै, मगर घरमे भेल सभे आदमीसब उजेत पाबै कहिके चिरागके लबनामे राखैछै। ओहिने करिके तोरसिके उजेत आदमीसिके बिच्चेमे चम्कौ ताकी ऊसब तोरसिके बढियाँ कामसब देखौ आर स्वर्गमे भेल तोरसिके परमेश्वर पिताके महिमा करौ।”

तुहेंसब सारा संसारके लिए उजेतके जुगुर छैं। पहाडमे बन्ल सहर नुकाबे नैसकैछै।

धन्य छै शुद्ध हृदय हुएवाला आदमीसब! कहिनेकी ऊसब परमेश्वरके देख्तै।

धन्य छै धार्मिकतासे जीवन जियैके सच्चा इच्छा राखेवाला आदमीसब! कहिनेकी परमेश्वर ओकरासिके सन्तुष्ट बनैतै।

मगर हमे तोरासिके कहैछियौ, आपन दुश्मनसे प्रेम कर, आर तोरा सताबेवालासिके लिए प्रार्थना कर।

“धन्य छै परमेश्वरके जरुरत महसुस करेवाला आदमीसब! कहिनेकी स्वर्गके राज्य ओकरेसिके छै।

धन्य छै मेल-मिलाप कराबेवाला आदमीसब! कहिनेकी ऊसब परमेश्वरके बेटाबेटीसब कहलैल जैतै।

धन्य छै शोक मनाबेवाला आदमीसब! कहिनेकी परमेश्वर ओकरासिके शान्ति देतै।

धन्य छै धार्मिक जीवन जियैके कारण सतैल ज्यावाला आदमीसब! कहिनेकी परमेश्वरके राज्य ओकरेसिके छै।

धन्य छै दयावंत आदमीसब! कहिनेकी परमेश्वर ओकरासिपर दया कर्तै।

धन्य छैं तुहेंसब, जब हमर चेला हुऐके कारण आदमीसब तोरसिके निन्दा कर्तौ, सतैतौ आर झुठ बोलीके तोरसिके विरुद्धमे सभे किसिमके खराब बातसब कहतौ। तब तुहेंसब खुब खुशी आर आनन्दित हु। कहिनेकी तोरसिके लिए स्वर्गमे बहुते बडका इनाम राख्ल छौ। तोरसिसे बहुते पहेला ऐल पुरना जमानाके परमेश्वरके वक्तासिके अहिने करिके आदमीसब दुःख द्याके सतैल्कै रहे।”

धन्य छै नम्र आदमीसब! कहिनेकी परमेश्वर ओकरसिसे आपन वादा पुरा कर्तै।

“तुहेंसब यी दुनियाँके आदमीसिके लिए धर्तीके नूनके जुगुर छैं। अगर नूनके स्वाद नैरहतै ते तुहें ओकर स्वाद फेर केरंके वापस आन्भैं? ऊ ते बाहार फेक्ल आर आदमीसिके पैरीके निच्चामे दाब्ल जैके सिवाय आर कोनो कामके नैहैतै।

सेल्याके, जेरंके स्वर्गमे रहेवाला परमेश्वर पिता सभे समय सही काम करैछै, ओहिने करिके तहुँसब भी सभे समय उहे कर जे सही छै।”

तोरसिके बातचितमे तोर ‘हँ’ के मतलब ‘हँ’ आर ‘नै’ के मतलब ‘नै’ होना चाही। एकरासे बेसी जे कुछु बात कहेल जैछै, उटा शैतानके तरफसे ही आबैछै।”

“आपनसिके बाप-पुर्खासिके देल विधि-विधान तुहेंसब सुन्लहैं छे, ‘आँखके बदला आँख आर दाँतके बदला दाँत।’ मगर हमे तोरासिके कहैछियौ, दुष्ट आदमीसिके सामना ही नैकर ओकरसे बदला नैलिहैं। यदि कोय तोर दहिना गालमे थप्पड मारैछौ ते ओकरा तुहें बायाँ गालमे भी मारैले दहैं।

अहिने करिके, अगर तुहें पाप करैके लिए आपन आँखीके उपयोग करैके सोचमे छैं ते, पाप करैले बन्द कर। यी आपन आँख बाहार निकालीके फेकैके जुगुर हैछै। तोरासिके एकटा आँख ल्याके परमेश्वरके राज्यमे प्रवेश करना कठिन लागे सकैछै, मगर दोनोटा आँख राखना आर नरकमे फेक्ल जाना बहुते खराब छै। अगर तुहें पाप करैके लिए आपन हातके उपयोग करैके सोचमे छैं ते, पाप करैले बन्द कर। यी आपन हात काटिके फेकैके जुगुर हैछै। एकटा हात ल्याके परमेश्वरके राज्यमे प्रवेश करना कठिन लागे सकैछै, मगर दोनोटा हात राखना आर नरकमे प्रवेश करना बहुते खराब छै।”