Popular Bible Verses from यूहन्ना 14

Share

हमे तोरासिके शान्ति दैछियौ यानिकी उटा शान्ति जे हमरलगत छै। यी ऊ शान्ति नैछै जे संसार दिए सकैछै। तुहेंसब आपन मनमे व्याकुल नैहु आर नैडर।”

येशू ओकरा कहैल्कै, “रस्ता, सच, आर कहियो खतम नैहुएवाला जीवन हम्हीं छियै। हमर बिना कोय भी परमेश्वर पिताके लगत नै ज्या सक्तै।

येशू चेलासिके कहैल्कै, “तोरसिके मन व्याकुल नैहौ। तुहेंसब परमेश्वरपर विश्वास राखैछैं, हम्रहौपर विश्वास राख।

मगर सहायक, यानिकी पवित्र आत्मा, जकरा परमेश्वर पिता हमर जगह लियैके लिए भेज्तै, ऊ तोरासिके सभे बात सिखैतौ, आर जे कुछु हमे तोरासिके कहैलियौ छे, उटा सभे बात तोरासिके याद दिलैतौ।

जे हमर आज्ञाके जानैछै आर पालन करैछै, ऊ हमरासे प्रेम करैछै। आर जे हमरासे प्रेम करैछै, ओकरासे हमर परमेश्वर पिता प्रेम कर्तै। आर हम्हुँ ओकरासे प्रेम कर्बै, आर हमे अपने आपके ओकरलगत प्रकट कर्बै।”

आर हमे परमेश्वर पितासे प्रार्थना कर्बै, आर ऊ तोरसिके संगे सभे दिन रहेवाला सहायक देतौ। ऊ पवित्र आत्मा छै, जे परमेश्वरके बारेमे सचके प्रकट करैछै। यी संसारके आदमी पवित्र आत्माके स्वीकार नैकरे सकैछै, कहिनेकी संसारके आदमी पवित्र आत्माके नैते देखैछै नैते चिन्हैछै। मगर तुहेंसब पवित्र आत्माके चिन्हैछैं, कहिनेकी ऊ तोरसिके संगे रहैछौ, आर ऊ तोरासिमे बास कर्तौ।

आर तुहेंसब हमर चेला हुऐके नातासे जे कुछु भी माँग्भैं ते हमे ओकरा पुरा कर्बौ, ताकी एकरासे बेटाके द्वारा परमेश्वर पिताके महिमा प्रकट है। यदि तुहेंसब हमर चेला हुऐके नातासे हमरासे कुछु माँग्भैं ते हमे ओकरा पुरा कर्बौ।

यदि तुहेंसब हमरा प्रेम करैछैं ते हमर आज्ञाके पालन कर्भैं।

हमर परमेश्वर पिताके घरमे रहेवाला बहुते जगह छै। ओरं नैहैतियै ते हमे तोरासिके कहैतियौ से, कि हमे आपन परमेश्वर पिता कते तोरसिके लिए जगह तैय्यार करे जैछियौ?

आर जैके तोरसिके लिए जगह तैय्यार कैलके बाद, हमे फेर ऐबौ, आर तोरासिके हमरसंगे रहैके लिए ल्याजैबौ आर हमे जते छियै, ओत्ते तहुँसब हैभैं।”

थोमा ओकरा कहैल्कै, “हे प्रभु, तुहें कते जैछह, उहो हमेसब नैजानैछियै ते, हमेसब रस्ता केरंके चिन्हबै?”