Popular Bible Verses from मरकुस 13

Share

मोर नांव कर चलते, सब मईनसे मन तुमन जग बैर करहीं, बकिन जेमन आखरी तक धीरज धरे रहीं, ओमने कर उद्धार होही।”

सुना, सवाचेती रईहा अऊ पराथना करत रईहा, काबरकि तुमन नई जानथा कि ओ घरी हर कब आही।

जब तुमन ला कोट-कछेरी में सोंपहीं, तब आगू ले फिकर झईन करीहा कि हमरे का कहबो, बकिन जे कुछ तुमन ला ओही घनी बताल जाही, ओहीच ला कईहा, काबरकि बोलोईया तुमन नई होईहा, बकिन पबितर आत्मा होही।

अगास अऊ धरती हर टएल जाही, बकिन मोर बचन हर कभों नई टलही।”

“ओ दिन अऊ ओ घरी कर बारे में कोनो नई जानें, न सरगदूत मन अऊ न बेटा बकिन सिरीप दाऊ हर जानथे।

जब तुमन चाएरो कती ले लड़ाई कर गोएठ ला सुनीहा, तब डराए झईन जईहा, काबरकि ए बात हर होए बर जरूरी हवे, बकिन ओ घनी दुनिया कर अंत नई होही।

एकर बर तुमन जागते रहा, काबरकि तुमन नई जानथा कि घर कर मालीक हर कोन जुआर आही, सांझ जुआर कि आधा राती कि मूरगा बसता कि भिनसरहा। अईसना झईन होए कि ओहर अनचकहा आए के तुमन ला सूतत पाए। अऊ जेला मंए तुमन ला कहथों, ओला सब झन ला कहथों कि जागत रईहा।”

काबरकि जाति ऊपरे जाति अऊ देस ऊपरे देस एक दूसर कर बिरोध में लड़ाई करहीं, जघा-जघा में भुईंडोल होही अऊ अकाल परही, एहर तो दुख परेसानी कर सुरुवात होही।

अऊ ए जरूरी हवे कि सबले आगू सुघर खभेर हर सब जाति कर मईनसे मन ला सूनाल जाही।

ढेरे झेमन मोर नांव में आए के कहीं, ‘मंए मसीह लागों!’ अऊ ओमन ढेरेच मईनसे मन ला बहकाहीं।

बकिन तुमन अपन में सवाचेती रईहा, काबरकि मईनसे मन तुमन ला कोट-कछेरी में सोंपहीं अऊ धरम सभा कर घर में पीटवाहीं अऊ सासन करोईया अऊ राजा मन कर आगू में तुमन ला ठड़हुवाए देहीं, बकिन एहर तुमन बरीक मोर गवाही देहे कर मोका होही।

काबरकि झूठा मसीह मन अऊ झूठा अगमजानी मन परगट होहीं अऊ चिन्हा चमत्कार देखाहीं, अगर होए सकथे त, चुनल मईनसे मन ला बहकाए देहीं।

ओ दिन में दुख तकलीफ कर पाछू, बेर हर अंधार होए जाही अऊ जोन हर इंजोर नई देही, अऊ अगास कर तरईया मन गिरे लागहीं अऊ अगास कर सक्ति मन हिलाल जाहीं।