Popular Bible Verses from मरकुस 11

Share

तेकर ले मंए तुमन ला कहथों, जे चीज ला तुमन पराथना में मांगिहा, त बिस्वास करा कि ओहर तुमन ला मिल गईसे अऊ तुमन बर होए जाही।

मंए तुमन ला फूरोंच कहथों, जे कोनो पहार जग कही तंए उखेड़ जा अऊ समुंदर में गिर जा अऊ ओहर अपन मन में संका झईन करे, बकिन बिस्वास करे कि जेला कहथों ओहर होए जाए, त ओकर बर होए जाही।

अऊ जब कभों तुमन पराथना करीहा, त तुमन कर मन में ककरो बर कुछ बिरोध होही, त छमा करीहा, त तुमन कर सरग कर दाऊ हर भी तुमन कर दोस ला छमा करही।

ईसू हर ओमन ला जबाब देहीस “परमेस्वर कर उपरे बिस्वास करा।

अऊ उपदेस देके कहे लागीस, “का एहर लिखल नईए कि मोर घर हर सब जाति मन बर, पराथना कर घर कहाही? बकिन तुमन एला चोर मन कर लुकाए कर, जघा बनाए देहे हवा।”

जेमन ओकर आगू-पाछु रेंगत आवत रहीन, ओमन चिकेर-चिकेर के कहत जात रहीन, “होसाना, धन्य हवे ओहर, जेहर परभू कर नांव ले आथे।

हमर दाऊ, दाऊद कर राएज जेहर आवत हवे, ओहर धन्य हवे! अगास में होसाना।”