Popular Bible Verses from Málikɔ 6

Share

Mpɔ, Yéso áǒngoɗea te: «Bikani sasanu, ɓéikɛ ka mpɛphɛ, ka nkanda ɓóumbiɛ ábɔa.» Nga, ɓakpa ɓásii ɗáɓáokiɗia, na ɓunɛngbo ɓáoga. Yéso na ɓagoigi nɛkɛ, ɓákaɓɛ ye na mbenɔ á eaga.

Mpɔ, Yéso áǒgea te: «Mɔtu-nyɔngɔ ndea Mokonga ana ɓokutú ɔma bui, nna gǎkɛ ně ka nji nɛkɛ á ɓɔkɔtɛana, ka ɓato á k'ékita nɛkɛ na ka ɓato á k'ékombo nɛkɛ.»

Ɓî Yéso aki ye ka koko, áɔɔna usɛsɛ ángbó á ɓakpa, áǒkuia ngomi nga, ɗáɓátú ɓea ɓamɔgɔgɔ kángá á mɓondigi. Kaɓondɔ, áokpanga goisaga aɓɔ kema ásii.

Wa, Yéso ɗákátɔki ye tɔtɔkisa ka ketangaɔ, tɔndɔ nndɔ á bisa á njaga akɛ gǔ á ɓasambi ɗanga-ɗanga ka amisa á ka ɓɔ. Â phɔtɔ kotangaaga ka nyɔngɔ á ɓakpa ndɔ ɓána kángá ɓeekea. Mbusa, Yéso áotimba nji bui nde a bîbíbí á Najalɛ́ti n'aǒgoisaga ɓakpa.

Yéso áɔbɛɗa mokati ɓɔku na ɓasú ɓaɓɛ, áoenga na koba, áonsega Mokonga k'ɛ́mɛmi. Áoɓunaga mokati ndɔ, áǒɓopha ɓagoigi ka gea, ɓágabɛ ka ɓakpa. Yéso â phɔtɔ ǒngoɗea ɓagoigi nɛkɛ ɓégabeɛ ɓakpa ɓɔbu ɓasú ndɔɔ. Ɓɔbu ɓáoeaga, ɓáokúta. Ɓagoigi ɓáodondanisaga due á mokati na ɓasú. Due ndɔ ɗátúmi jɔ nkama na iɓɛ (12).